Хитай һөкүмитиниң рабийә қадир пәрзәнтлирини қолға алғанлиқи мунасивити билән намайишлар


2006-06-23
Share

Рабийә қадир пәрзәнтлири хитай түрмилиридә

Рабийә ханимниң қизи әқидә қериндашлириниң рәсимини тутқан һалда вашингтонда намайишта. RFA

Уйғур миллий һәрикитиниң рәһбири рабийә қадир ханимниң үч оғли қаһар абдуреһим, абликим абдуреһим вә алим абдуреһимниң хитай һөкүмити тәрипидин бөлгүнчилик, дөләт һакимийитини ағдурушқа урунуш һәмдә баҗ оғрилаш қатарлиқ җинайәтләр билән әйиблинип қолға елинғанлиқи вә қизи рошәнгүл абдуреһимниң нәзәрбәнт қилинғанлиқи, чәтәлләрдә паалийәт елип бериватқан уйғур тәшкилатлириниң һәмдә хәлқара кишилик һоқуқ тәшкилатлириниң қаттиқ тәнқидигә учримақта.

Уйғур тәшкилатлири, хитай даирилириниң рабийә қадир ханимниң пәрзәнтлирини қолға елиш арқилиқ униң чәтәлләрдә елип бериватқан паалийәтлириниң алдини елишни мәқсәт қилмақта, дейишмәктә

6‏-Айниң 23‏-күни чәтәлләрдә паалийәт елип бериватқан уйғур тәшкилатлириниң орунлаштуруши билән һәр қайси дөләтләрдики хитай әлчиханилири алдида наразилиқ намайишлири өткүзүлди.

Америка уйғур бирләшмисиниң орунлаштуруши билән америкиниң пайтәхти вашнгтондики хитай әлчиханиси алдида, дуня уйғур қурултийиниң чақириқи билән германийиниң мюнхен шәһиридики хитай консулханисиниң алдида, канаданиң торонто шәһиридики хитай консулханиси алдида, норвигийиниң пайтәхти ослодики хитай әлчиханиси алдида, шветийиниң пайтәхти стокголм дики хитай әлчиханисида алдида намайиш елип барди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт