خىتاي جامائەت خەۋپسىزلىك دائىرىلىرى ئۇيغۇر مىللىي ھەرىكىتىنىڭ رەھبىرى رابىيە قادىر خانىمنىڭ پەرزەنتلىرىدىن ئالىم ئابدۇرېھىم ۋە ئابلىكىم ئابدۇرېھىملارنى قولغا ئالغانلىقىنى ۋە رابىيە قادىر خانىمنىڭ قىزى روشەنگۈل ئابدۇرېھىمنىڭ ئائىلىسىدە نەزەربەنت ئاستىغا ئېلىنغانلىقىنى رەسمىي ئېلان قىلغاندىن كېيىن، تۈركىيىدىكى شەرقىي تۈركىستان ئاممىۋىي تەشكىلاتلىرى ۋە ئۇيغۇر زىيالىيلىرى بۇنىڭغا نارازىلىق بىلدۈرۈشتى.
تۈركىيىدىكى بەزى شەرقىي تۈركىستان ئاممىۋىي تەشكىلاتلىرى بولسا ئۇيغۇر دىيارىدا بىگۇناھ يەرگە تۈرمىلەردە يېتىۋاتقان كىشىلەرنىڭ شۇنداقلا رابىيە قادىر خانىمنىڭ پەرزەنتلىرىنىڭ دەرھال قويۇپ بېرىلىشى ئۈچۈن خىتاي ئەلچىخانىسىنىڭ ئالدىدا "بىگۇناھ ئۇيغۇرلار قويۇپ بېرىلسۇن" تېمىسى ئاستىدا نامايىش ئۆتكۈزۈشكە تەييارلىق قىلماقتا.
بۇ ھەقتىكى تەپسىلى مەلۇماتلارنى، تۈركىيىدىكى ئىختىيارى مۇخبىرىمىز ئەركىن تارىمدىن ئاڭلاڭ.