Xitay rabiye qadir xanimning oghulliri üstidin höküm chiqardi
2006.11.27
26 - Noyabir küni gérmaniyide dangliq kishilik hoquq pa'aliyetchisi, Uyghur milliy herikitining rehbiri rabiye qadir xanim birdek awaz bilen, dunya Uyghur qurultiyining re'isi bolup saylan'ghan idi. Buni közitip turghan xitay hökümiti rabiye qadir xanim dunya Uyghur qurultiyining re'isi bolup saylan'ghan künining etisila, uning oghli alim abduréhimgha baj oghrilidi, dégen bahane bilen 7 yilliq qamaq jazasi berdi.
En'giliye b b s radi'o téléwiziye shirkitining melum qilishiche, rabiye qadir xanimning oghli alim abduréhimdin bashqa yene, uning qahar abduréhim isimlik oghlimu baj oghrilidi dégen bahane bilen sotqa tartilghan. Lékin qahar abduréhimgha qamaq jazasi bérilmey, 12 yérim ming dollar jerimane qoyulghan. Alim abduréhimgha bolsa 7 yilliq qamaq jazasi bérilishtin sirt yene, 62 ming dollar jerimane qoyulghan.
Xelq'ara kishilik hoquq közitish teshkilatining mes'uli nikola ependi roytérs xewer agéntliqigha "xitay hökümitining bundaq qilmishini rabiye qadir xanimgha qaritilghan öch élish dep chüshinishke bolidu" dep bildürgen. U yene "rabiye qadir xanim Uyghur millitige wakaliten kishilik hoquq mesilisi heqqide küresh élip barmaqta. Bu xitay hökümitining qattiq ghezipini qozghidi" dep bildürdi.
Xitay hökümiti bu qétim rabiye qadir xanimning oghli alim abduréhimni sotlashta, eqide soda shirkiti 93 - yilidin 2000 - yiligha qeder, 200 ming yü'endin artuq baj oghrilighan dep, uni gunahkar qilghan. Lékin eyni waqitta yeni rabiye qadir xanim qolgha élinishtin burun, 93 - yilidin 99 - yiligha qeder, her yili dégüdek baj tapshurushta ilghar bolup bahalan'ghan we mukapatlan'ghan.
Rabiye qadir xanimning yoldishi sidiq haji rozi ependi ziyaritimizni qobul qilip, perzentlirining ustidin chiqirilghan höküm heqqide toxtaldi.
Munasiwetlik maqalilar
- Xitay da'iriliri rabiye qadir xanimning oghli alim abduréhimni 7 yilliq qamaq jazasigha höküm qildi
- Rabiye qadirning qizi roshen'gül nezerbendtin qutuldi
- Rabiye xanim perzentliri hökümet teripidin teyyarlan'ghan eyibnamige qol qoydurulghan
- Xitay rabiye qadir xanimning ikki oghli üstide élip bérilghan sot hökümini ashkarilimidi
- Xitay da'iriliri rabiye qadirning perzentliri üstidin pat arida sot achmaqchi
- Xitay rabiye qadirning perzentlirini sotlashni kéchiktürdi
- Xitay hökümiti nime üchün rabiye qadir a'ilisige qaratqan siyasiy hujumini izchil dawamlashturup keldi
- Rabiye qadirning oghli alim xitay teripidin mejburiy iqrar qilduruldi
Köp körülgen xewerler
RFA
- Erkin asiya radiyosi Uyghur bölümi: xitayning Uyghurlar üstidiki shepqetsiz hökümranliqining zulmetlirini yérip ötküchi nur
- En'gliye hökümiti Uyghur qulluq emgiki sewebidin xitayda ishlen'gen küntaxtilarni chekleydighanliqini élan qildi
- Gérmaniyening eng chong ximiye sana'iti shirkiti qattiq eyibleshlerdin kéyin Uyghur rayonidin ayrilghanliqini élan qildi
- Xitay hökümiti amérika bilen xitay arisidiki soda urushining aqiwitidin qattiq endishe qilmaqta
- Uyghur kishilik hoquq qurulushi xelq'araliq méhmanxana zenjirlirining Uyghur rayonida kéngiyiwatqanliqini eyiblep doklat élan qildi