Rabiye qadir xanim amérikidiki oqughuchilargha Uyghurlar heqqide doklat berdi

• Muxbirimiz eqidening bu heqtiki melumati
• Download story audio

Uyghurlarning kishilik hoquq pa'aliyetchisi rabiye qadir xanim, 23 ‏- may küni amérikidiki dangliq uniwérsitétlardin biri bolghan stanford uniwérsitétigha bérip, mezkur uniwérsitét oqughuchilirigha Uyghurlarning kishilik hoquq weziyiti heqqide doklat berdi.

Amérikining sanfiransisko shehirige jaylashqan stanford uniwérsititidiki oqughuchilar, rabiye qadir xanimning Uyghurlarning nöwettiki weziyiti, bolupmu xitay hökümitining Uyghurlargha yürgüzüwatqan xitaychilashturush ma'aripi, pilanliq tughut siyasiti shuningdek Uyghurlarning diniy erkinlikining ayaq - asti qiliniwatqanliqi heqqidiki pakitliq doklatini anglighandin kéyin, "dunyaning hich qandaq yéride insanlarning kishilik hoquqi bu xil derijide depsendichillikke uchrimighan" dep öz ipadisini bildürdi.

Rabiye qadir xanim sanfiransisko shehiridin qaytip kélip, bügün istansimizning ziyaritini qobul qilip, stanford uniwérsitétida bergen doklatining intayin netijilik bolghanliqini, bolupmu pat arida amérikining her qaysi sahelirige orunlishidighan yash ziyalilar arisida , Uyghur mesilisige qarita belgilik köz qarashning tiklen'genlikidin tolimu söyün'genlikini bildürüsh bilen birge buningdin kéyin unwérsitét we tetqiqat merkezliride buninggha oxshash pa'aliyetlerni dawamliq élip baridighanli'iqni tekitlidi.

Bu heqtiki tepsili melumatlarni, muxbirimiz eqidening rabiye qadir xanim bi'en ötküzgen sögbitidin anglang.