Rabiye xanim Uyghurlarning munewwer wekilimu yaki jinayetchimu?

• Muxbirimiz welining bu heqtiki toluq melumati
• Download story audio

Amérika prézidénti jorj bush rabiye xanimning kishilik hoquq pa'aliyetlirini medhiyilidi Photos are courtesy of UAA / Rushan

Amérika prézidénti jorj bush 6 ‏- ayning 5 ‏- küni pragada qilghan sözide rabiye xanimgha 'Uyghurlarning munewwer wekili' dep baha bergen idi. Xitay hökümiti buninggha qarshi bayanat élan qilip, rabiye xanimni 'jinayetchi' dep jakarlidi. Buning qaysi emeliyetke uyghun? bu heqte démokratik junggo frontining mu'awin re'isi, 4 ‏- iyon weqesini tekshürüsh komitétining re'isi, hazir kanada da turuwatqan meshhur ayal yazghuchi shéngshö xanim obzor élan qildi.

Jorj bushning rabiye xanimgha bergen bahasi toghra baha

‏-‏-‏- Men bultur 9 ‏- ayda washin'gtonda, 12 ‏- ayda torantoda rabiye xanim bilen ikki qétim körüshken we chongqurlap sözleshken, ‏-‏-‏- dep obzorini bashlaydu shénshö xanim, ‏-‏-‏- rabiye xanim izchil halda Uyghurlarning erkinlik, kishilik hoquqqa bolghan arzu-armanlirini ekis ettürüp kéliwatidu we özining xelq'aradiki tesiridin paydilinip Uyghurlarning arzu-armanlirini ishqa ashurush üchün köresh qiliwatidu.

Men amérika prézidénti jorj bushning rabiye xanimgha bergen bahasini toghra baha dep qaraymen, u Uyghurlarning munewwer wekili.

Xitay hökümiti burun 'munewwer karxanichi' ... Dep medihiyiligen rabiye xanim özi shughu?

‏-‏-‏- Xitayning rabiye xanimni 'jinayetchi' dep atishi bizning tesewwurimizning sirtida emes,‏-‏-‏- dep obzorini dawamlashturidu meshhur yazghuchi shénshö xanim, ‏-‏-‏- kommunist xitay hökümiti özige egeshmigen ademning hemmisini aghzigha kelgen betnam bilen ataydu.

Hazir chet'elde turuwatqan rabiye xanim, eyni waqitta xitay hökümiti munewwer karxanichi, siyasiy kéngesh ezasi, xelq qurultéyining wekili dep maxtighan, medihiyiligen rabiye xanim özi shughu? emdi u xelq'aragha tunulghanda betnam chaplamdiken?

Uyghurlarning bu munewwer wekili hazir xelq'ara teshkilatning étirap qilishigha érishti

Rabiye qadir xanim we Uyghur amérika birleshmisining mu'awin re'isi rushan abbas, amerika awam palatasining ezasi jo libérmen bilen birge. Photos are courtesy of UAA / Rushan

Amérika prézidénti jorj bushning pragada rabiye xanim bilen körüshkenliki, yuqiri baha bérip teqdirligenliki,‏-‏-‏- dep obzorini dawamlashturidu shénshö xanim, ‏-‏-‏- bu emeliyette, xelq'ara jem'iyetning rabiye xanimdin ibaret mushundaq bir obraz arqiliq Uyghurlargha bolghan chüshenchisige we Uyghurlar mushundaq obraz arqiliq qobul qilghanliqigha wekillik qilidu.

Ré'al ehwal shuki, Uyghurlar uzundin buyan xitayning ézishi, kemsitishi, we basturushigha uchrap kéliwatidu. Emma Uyghurlarning özining derd-elemlirini dunya anglitidighan rabiye xanimdek bundaq munewwer wekili kam bolup kelgen idi. Uyghurlarning bu munewwer wekili hazir Uyghurlarning tartiwatqan azap-oqubetlirini dunyagha anglitip, xelq'ara teshkilatning étirap qilishigha érishti.

Xitay kommunist partiyisining bir qolida zorawanliq , yene bir qolida yalghanchiliq bar

‏-‏-‏-‏- Xitay kommunist partiyisi xelqni ikki qoli bilen basturup kéliwatidu, ,‏-‏-‏- dep obzorini dawamlashturidu meshhur yazghuchi shénshö xanim, ‏-‏-‏- uning bir qolida zorawanliq , yene bir qolida yalghanchiliq bar.

Zorawanliq kérekke kelmise yalghanchiliqni qollinidu, yalghanchiliq aqmisa zorawanliqni qollinidu. Rabiye xanimning xelq'aradiki her bir pa'aliyiti xitay kommunist partiyisi üchün riqabet, chuchutish, tehdit. Xitay hökümiti rabiye xanimning xelq'aradiki pa'aliyitige inkas qayturmay mumkin emes.

Emma xitay hökümiti dölet ichide xelqning, bolupmu Uyghurlarning rabiye xanim heqqidiki yéngi uchurlarni bilishidin ensireydu. Xitay hökümiti hazir rabiye xanimghimu ikki qolluq kona usulni qolliniwatidu. Emeliyette, ‏-‏-‏- deydu shénshö xanim obzorining axirida, ‏-‏-‏- xitay hökümiti hazir bu mesilide murekkep ziddiyet ichide qaldi. Zamanimizda zorawanliq yaki yalghanchiliqning héchqaysi aqmaydu. Uchurlarni tosap qélishmu mumkin emes. (Weli)