ئىراقتىكى تۈركمەن گېزىتى رابىيە قادىر خانىم ھەققىدە ماقالە ئېلان قىلدى


2007.09.04

ئىراقتا نەشىردىن چىقىۋاتقان "تۈركمەن تايمىس گېزىتى" نىڭ 8-ئاينىڭ 31-كۈنىدىكى سانىدا " رابىيە قادىر شەرقىي تۈركىستاننىڭ گۈلى" تېمىسىدا ئۇزۇن بىر ماقالە ئېلان قىلىنغان.

بۇ ماقالىنى ئىراقتا تونۇلغان ژۇرنالىست، يازغۇچى دىيار ئەل خەرمەزى ئەپەندى يازغان بولۇپ، ماقالىدە رابىيە قادىر خانىمنىڭ ھاياتى، ئائىلىسى شۇنداقلا رابىيە قادىر خانىمنىڭ دۇنيا ئۇيغۇر قۇرۇلتىيىنىڭ رەئىسى بولۇپ سايلانغاندىن كېيىن دۇنيادا ئېلىپ بېرىۋاتقان پائالىيەتلىرىگە كەڭ كۆلەمدە يەر بەرگەن.

بۇ ماقالىدە كىشىنى جەلپ قىلىدىغان نۇقتا شۇكى، تۈركىي مىللەت ئاياللىرىنىڭ تارىختا نۇرغۇن مۇھىم شەخسلەرنى يېتىشتۈرگەنلىكى، تۈركىستانلىق داڭلىق ھەدىسشۇناس بۇخارىنى ئانىسىنىڭ يېتىشتۈرگەنلىكى، رابىيە قادىر خانىمنىڭ بولسا پۈتۈن ئۇيغۇرلارنى يېتىشتۈرىۋاتقانلىقى تەكىتلەنگەن.

ئەنقەرەدىكى ئىختىيارى مۇخبىرىمىز ئەركىن تارىم، بۇ ماقالە ۋە ئەرەب مەتبۇئاتىدىكى ئۇيغۇر مەسىلىسى ھەققىدە تەپسىلى مەلۇمات ئېلىش ئۈچۈن ئۇزۇن يىل ئەرەب دۆلەتلىرىدە ئوقۇغان جۇرنالىست ۋارىسجان ئەپەندى بىلەن سۆھبەت ئېلىپ باردى. (ئەركىن تارىم)

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.