رابىيە قادىر خانىمنى زىيارەت
2005.03.17
ئۇيغۇر كىشىلىك ھوقۇق پائالىيەتچىسى رابىيە قادىر خانىم قويۇپ بېرىلگەندىن كېيىن، بۈگۈن چۈشتىن كېيىن سائەت 5:30 ئامېرىكىنىڭ چىكاگو شەھىرىگە يېتىپ كەلدى. مۇخبىرىمىز ئەركىن، مەخسۇس رابىيە قادىر خانىمنىڭ ئالدىغا بېرىپ، خانىمنى زىيارەت قىلىش پۇرسىتىگە ئىگە بولدى.
رابىيە قادىر خانىم تۈرمىدىن چىققاندىن كېيىنكى ھېسسىياتىنى سۆزلەپ، ئۆزىنىڭ يەر شارىغا قايتىپ كەلگەنلىكىنى، ۋەتەندە ئۇرۇق-تۇغقان ۋە دوست –بۇرادەرلىرى بىلەن خوشلىشىش مۇمكىنچىلىكىگە ئېرىشەلمىگەنلىكىنى بىلدۈرۈپ، ئەركىن ئاسىيا رادىئوسى ئارقىلىق ئانا ۋەتىنى ۋە خەلقىغە بولغان سالىمىنى يوللىدى.
رابىيە قادىر خانىم بۇنىڭدىن ئىككى كۈن بۇرۇن خىتاي دائىرلىرى تەرىپىدىن قويۇپ بېرىلىشى ھەققىدىكى خەۋەرگە ئىگە بولغان بولۇپ، 15-چىسلا ئۈرۈمچىدىكى بالىلىرى بىلەن قىسقىغىنا كۆرۈشۈش پۇرسىتىگە ئىگە بولغان. بىراق، بالىلىرىغا ئۆزىنىڭ ئامېرىكىغا ماڭىدىغانلىقى ھەققىدە ئېيتالمىغان.
رابىيە قادىر خانىم بۈگۈن كەچ سائەت سەككىز يېرىملار ئەتراپىدا ئامېرىكىنىڭ پايتەختى ۋاشىنگتوندىكى رەگان ئايرودۇرۇمىغا قونىدۇ. ۋاشىنگتون ئەتراپىدىكى ئۇيغۇرلار، ئايرودۇرۇمغا چىقىپ، رابىيە قادىر خانىمنى كۈتۈۋالماقچى.
رابىيە قادىر خانىم ھەققىدىكى بىرىنچى قول خەۋەرلەردىن داۋاملىق خەۋەردار بولۇپ تۇرۇشنى خالىسىڭىز، تور بېتىمىزنى زىيارەت قىلىپ تۇرۇڭ.
مۇناسىۋەتلىك ماقالىلار
- سىدىق ھاجى روزى، رابىيە قادىرنىڭ قويۇپ بېرىلىشى مۇناسىۋىتى بىلەن ئوبزور ئېلان قىلدى
- خەلقئارا تەشكىلاتلار رابىيە قادىرنىڭ قويۇپ بېرىلگەنلىكىنى قارشى ئالدى
- رابىيە قادىر خانىم ئەركىنلىك يولىدا
- كۆزەتكۈچىلەر: رابىيە قادىر نوبىل مۇكاپاتىنىڭ ئەڭ مۇۋاپىق نامزاتى
- رابىيە قادىر خانىمغا رافتو مۇكاپاتى بېرىش مۇراسىمى ئۆتكۈزۈلدى
- ئامېرىكىدا چىقىدىغان "مارى كلېر" ژورنىلى رابىيە قادىرغا مۇكاپات بەردى
كۆپ كۆرۈلگەن خەۋەرلەر
RFA
- خىتاي دائىرىلىرىنىڭ ئۇيغۇر دىيارىدا چەت ئەل ئەپلىرىنى چەكلەش ئاگاھلاندۇرۇشى نېمىنىڭ بېشارىتى؟
- ۋاشىنگتون ئەتراپىدىكى ئۇيغۇرلار بۇ يىللىق روزا ھېيت نامىزىنى بىرگە ئوقۇپ، روزا ھېيتىنى كۈتۈۋالدى
- ياركەنت خانلىقى ۋە غوجىلار دەۋرىدىن قالغان ھۆججەتلەر خارۋارد ئۇنىۋېرسىتېتىدا
- ناخشىچى ئەركىن ئابدۇللا خىتاينىڭ «شىنجاڭ ھېكايىسىنى ياخشى سۆزلەش» تەشۋىقات سېپىدىن ئورۇن ئالغان
- زۇمرەتئاي ئەركىن خان جەمەتى چېركاۋىدا ئۇيغۇر ئىرقىي قىرغىنچىلىقىنى تونۇشتۇرغان