Рабийә қадир ханимни зиярәт


2005-03-17
Share
Рабийә қадир ханим америкиға кәлгәндин кейинки биринчи парчә рәсим. Рабийә ханим америкиниң чикаго шәһиридики O'Hare хәлқаралиқ айродурумида. RFA Chongaytip körung

Уйғур кишилик һоқуқ паалийәтчиси рабийә қадир ханим қоюп берилгәндин кейин, бүгүн чүштин кейин саәт 5:30 америкиниң чикаго шәһиригә йетип кәлди. Мухбиримиз әркин, мәхсус рабийә қадир ханимниң алдиға берип, ханимни зиярәт қилиш пурситигә игә болди.

Рабийә қадир ханим түрмидин чиққандин кейинки һессиятини сөзләп, өзиниң йәр шариға қайтип кәлгәнликини, вәтәндә уруқ-туғқан вә дост –бурадәрлири билән хошлишиш мумкинчиликигә еришәлмигәнликини билдүрүп, әркин асия радиоси арқилиқ ана вәтини вә хәлқиғә болған салимини йоллиди.

Рабийә қадир ханим буниңдин икки күн бурун хитай даирлири тәрипидин қоюп берилиши һәққидики хәвәргә игә болған болуп, 15-числа үрүмчидики балилири билән қисқиғина көрүшүш пурситигә игә болған. Бирақ, балилириға өзиниң америкиға маңидиғанлиқи һәққидә ейталмиған.

Рабийә қадир ханим бүгүн кәч саәт сәккиз йеримлар әтрапида америкиниң пайтәхти вашингтондики рәган айродурумиға қониду. Вашингтон әтрапидики уйғурлар, айродурумға чиқип, рабийә қадир ханимни күтүвалмақчи.

Рабийә қадир ханим һәққидики биринчи қол хәвәрләрдин давамлиқ хәвәрдар болуп турушни халисиңиз, тор бетимизни зиярәт қилип туруң.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт