D u q re'isi rabiye qadir xanim awstraliye ziyaritini ghelibilik axirlashturdi

Uyghur milli herikitining yétekchisi, dunya Uyghur qurultiyining re'isi rabiye qadir xanim, mu'awin re'is esqerjan ependi awstraliyidiki ziyaritini bügün 3 - ayning 28 - küni sidnéy shehride axirlashturdi.
Muxbirimiz bextiyar
2009.03.27
Awstraliyide-noruz-305 3 - Ayning 21 - küni awstraliyining sidnéy shehiride ötküzülgen noruz kéchilikide, uyghur milli herikitining yétekchisi, dunya uyghur qurultiyining reisi rabiye qadir xanim sözde.
RFA Photo / Behtiyar

Rabiye xanim awstraliyige qilghan ziyariti heqqide toxtilip, dunya Uyghur qurultiyining ijra'iye hey'iti, awstraliye Uyghur jem'iyitining re'isi hüsen hesen ependim késelge giriptar bolghandin kéyin özi we dunya Uyghur qurultiyidiki barliq hey'et ezalar hemde amérika we yawropadiki wetendashlar nahayitimu ensirigenliki we yéqindin köngül bölgenlikini bildürdi. U sözide özining mushu qérindashlar namidin hüsen ependimni yoqlash, halidin xewer élish, yaxshi tileklirini yetküzüsh üchün hemde awstraliyide heriket élip bériwatqan jem'iyetlerning rehberliri we sherqi türkistanliq wetendashlar bilen uchrishish, bolupmu amérikining paytexti washin'gitondin Uyghur öyi élish pilanini otturigha qoyup, iqtisadiy yardemge érishish pikrini otturigha qoydi.

Rabiye qadir xanim bu qétimqi ziyaritide sidnéy, adelayd, mélbo'urn sheherliride boldi we jem'iyet rehberliri we jama'etchilik bilen körüshti we sidnéyda noruz bayrimini birge ötküzdi. Adela'ide, mélbo'urn sheherliride awstraliye sherqi türkistan jem'iyiti, wiktoriye Uyghur jem'iyetlirining orunlashturushida nechche yüzligen wetendashlarning qatnishishidiki kütüwélish murasimlirida bolup wetenning musteqilliqi, Uyghur millitining azadliqi, erkinliki heqqide sözlep xitay hökümitining sherqi türkistanning bayliqlirini talan - taraj qiliwatqanliqi, zémin igiliri bolghan Uyghurlarning heq - hoquqlirini ayaq - asti qilip, til we dinidin ayrip millet süpitide yer sharidin yoqitish pilanini ilgiri sürüwatqanliqini bayan qildi.

Yuqiridiki awaz ulinishidin, bu heqtiki melumatimizning tepsilatini anglaysiler.


Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.