Rabiye qadir xanim istanbuldiki Uyghurlarning roza héytini tebriklidi

2010 ‏- Yili 9 ‏‏- ayning 11 ‏- küni, roza héytning 3 ‏- küni sherqiy türkistan wexpining merkizide roza héyt bayrimini tebriklesh murasimi ötküzülgen bolup, sürette, istanbul fatih rayonluq sheher bashliqi mustafa demir hem adalet we tereqqiyat partiyisining mesul wekili shundaqla sherqiy türkistan wexpi bilen sherqiy türkistan maarip we hemkarliq jemiyitining rehberliri.

Bu pa'aliyetni istanbulda pa'aliyet qiliwatqan sherqiy türkistan wexpi bilen sherqiy türkistan ma'arip we hemkarliq jem'iyitining birlikte uyushturghan bolup, sherqiy türkistan wexpi we sherqiy türkistan ma'arip we hemkarliq jem'iyitining idare hey'et mes'ulliri we ezaliri shundaqla istanbulda yashawatqan Uyghurlardin er ‏- ayal bolup 300 ge yéqin kishi qatnashti.

Mezkur murasimgha yene, istanbul fatih rayonluq sheher bashliqi mustafa demir hem adalet we tereqqiyat partiyisining mes'ul wekili qatarliq erbablar qatnashti.

RFA Photo / Arslan

Murasimgha sherqiy türkistan wexpining bash katipi atawulla ependi riyasetchilik qildi. Murasim sherqiy türkistan wexpining bashliqi hamut köktürk ependi échilish nutqi sözlidi.

Murasimda yene dunya Uyghur qurultiyining dini ishlar mudiri turghunjan alawiddin, sherqiy türkistan wexpining bashliqi hamutxan köktürk, sherqiy türkistan ma'arip we hemkarliq jem'iyitining bashliqi hidayetulla oghuzxan, bash naziri ablikimxan mexsum, istanbul ‏- fatih rayonluq sheher bashliqi mustafa démir, we adalet tereqqiyat partiyisining fatih shöbe bashliqi qatarliq shexsler söz qilip Uyghurlarning roza héytini tebriklesh bilen birge Uyghurlar heqqide muhim söz qildi. Murasim axirida ziyapet bérildi.

Yuqiridiki awaz ulinishidin, bu heqtiki melumatimizning tepsilatini anglaysiler.