Rabiye qadir xanim yaponiye ziyaritini bashliwetti
2007.11.07

Xelq'ara kechürüm teshkilatining yaponiyidiki shöbisining teklipige bina'en, dunya Uyghur qurultiyining re'isi, Uyghur milli herikitining yétekchisi rabiye qadir xanim, 7 - noyabir küni tokyogha yétip bérip, yaponiyide élip baridighan 3 heptilik ziyaritini bashliwetti. Rabiye qadir xanim yaponiyidiki ziyariti dawamida 8 sheherde ochuq nutuq sözlesh bilen birge, yaponiye kéngesh palatasi shuningdek awam palata ezaliri teripidin oyushturulghan guwahliq bérish yighinigha qatnashmaqchi.
Yaponiyining 8 chong shehiride ochuq nutuq sözleydu
Dunya Uyghur qurultiyining re'isi, Uyghur milliy herikitining rehbiri shuningdek Uyghur xelqining meniwiy anisi rabiye qadir xanim, xelq'ara kechürüm teshkilati yaponiye shöbisining teklipige bina'en, amérikidin ayrilip 7 - noyabir küni chüshtin kéyin sa'et 3 te yaponiye paytexti tokyogha yétip bérip, yaponiyide élip baridighan 3 heptilik ziyaritini bashliwetti.
Rabiye qadir xanim, noyabirning 10 din 24 - künigiche tokyo qatarliq yaponiyining 8 chong shehiride ochuq nutuq sözligendin bashqa 28 - noyabir küni yaponiye kéngesh palatasi we awam palatasi ezaliri teripidin oyushturulghan guwahliq bérish yighinigha qatnishidu. Bu rabiye qadir xanimning tunji qétim yaponiyini ziyaret qilishi bolup, rabiye qadir xanim tokyoda istansimizning yaponiyide turushluq muxbirining ziyaritini qobul qilip" : méning bu qétim yaponiyide élip baridighan ziyaritimning asasliq meqsidi,yaponiye hökümiti we xelqini, bésimgha uchrawatqan Uyghur xelqining kishilik hoquqigha köngül bölüshke chaqirish " dep bildürdi. Rabiye qadir xanim yene yaponiye hökümitining, uning yaponiyide ziyarette bolushi üchün shara'it hazirlap bergenlikidin chongqur minnetdarliqini ipadilidi.
Rabiye qadir xanim sözide yene, yaponiye hökümiti we xelqining Uyghur xelqining medeniyiti hemde kishilik hoquqini qoghdishigha yardem körsitishini, türmidiki ikki oghlining erkinlikke chiqishi üchün xitay hökümitige bésim ishlitishini, Uyghurlarning xelq'arada élip bériwatqan kishilik hoquq pa'aliyitini qollishini ümid qilidighanliqini bildürüp, yaponiye hökümitining Uyghur oqughuchilargha yetküzgen ghemxorluqigha alahide rehmet éytti.
Dalay lama, gomindang re'isi ma yingju, démokratiye we tereqqiyat partiyisi re'isi shé changyenlermu yaponiyide ziyarette
Tibetning diniy dahisi dalay lama, teywendiki gomindang re'isi ma yingju, démokratiye we tereqqiyat partiyisi re'isi shé changyenlermu bu qétim rabiye qadir xanim bilen oxshash waqitta yaponiyide ziyarette bolidighan bolup, bu heqte toxtalghan rabiye qadir xanim " : men, dalay lamaning shuningdek gomindang we démokratiye tereqqiyat partiyisi rehberlirining yaponiyide ziyarette bolushidin intayin xoshalmen, hemmimizning meqsidi oxshash, démokratiye, erkinlik, kishilik hoquq üchün. Shunga men yaponiye hökümitidin intayin minnetdar, yaponiye hökümitining bizge sözlesh pursiti yaritip bergenlikige rehmet éytimen " dédi.
Rabiye qadir xanim orunlashqan méhmanxanida istansimiz muxbirining ziyaritini qobul qilghan, xelq'ara kechürüm teshkilatining yaponiyidiki shöbisining mudiri " : men, rabiye xanimning yaponiyige kelgenlikidin intayin xoshalmen, bu qétim rabiye xanimni yaponiyige nutuq sözleshke teklip qilishimizdiki meqset, kishilerni xitayda yüz bériwatqan kishilik hoquq mesililiri, Uyghurlarning medeniyitini qoghdash, kishilik hoquq we özige - özi xoja bolush heqlirige köngül bölüshke chaqirishtin ibaret " dédi. (Eqide)
Munasiwetlik maqalilar
- Asasiy meqset yenila xitaygha taqabil turushtur
- Yaponiye dölet mejlisi ezaliridin 160 qa yéqin kishi yasukuni buzrukgahini tawap qildi
- "Uyghurlar xitayning tömür tapini astidin erkinlik izdimekte"
- Xitayning "bash kötürüsh" herikiti we shimaliy koriyining yadro qorallarni tereqqi qildurushi yaponiyini qanun islahati élip bérishqa mejbur qildi
- D u q bash katipi dolqun eysa yaponiye ziyariti heqqide toxtaldi
- Uyghurlar mesilisi yaponiye parlaméntida
- Yaponluq tetqiqatchining Uyghurlargha teklipi(2)
- Yaponluq tetqiqatchining Uyghurlargha teklipi(1)
- Shwétsiyide ziyarette boliwatqan na'oko xanim bilen Uyghur mesilisi heqqide söhbet
- Yaponiyilik ayal mutexessis, Uyghurlarning weziyitini yaponiye xelqige anglatmaqta
- Yapon metbu'atida rabiye qadir xanim
- Yaponiye metbu'atlirida Uyghurlar
- Yaponiye butxanilirida Uyghurlarning qimmetlik asare – etiqiliri saqlanmaqta