Dunyawi fotograf körgezmiside sherqiy türkistan témisi


2006-07-19
Share
Xitay hökümiti sherqiy türkistanda -1995 - yili aptonum rayoni qurulghanliqining 40 yilliqini tebriklesh üchün mexsus sen'et kéchiliki teshwiqat pa'aliyetlirini uyushturdi. Uning ichide balilarningmu naxsha usul nomurliri orunlashturulghan bolup, mezkur xitay baliliri orunlighan nomurda bu jayning xitaylar teripidin bésiwilin'ghanliqi hemde dawamliq bésiwélishqa herket qiliwatqanliqining bir ré'alliq ikenliki ekis étidu. 1995 – Yili sherqiy türkistanning atush shehiride tartilghan. image courtesy: Reza

Nöwette washin'gtonda iranliq dangliq fotograf rézaning "bir dunya bir millet" témisidiki foto söret eserler körgezmisi échilmaqta. Bu körgezmige rézaning 30 yildin buyan dunyani aylinip tartqan fotogiraf eserliri ichidin tallan'ghan " 60 nechche parche tallanma eserliri qoyulghan.

Réza ning ijadiy hayatidiki bu nadir süretlerning köpükchisi xelq'arada bahalan'ghan eserler bolup her bir söret dunyaning oxshimighan jaylirida tartilghan bolsimu bu süretlerdin dunyaning her qandaq bulungidiki milletlerningmu bu dunyada öz ara zich baghlinishchanliqi barliqi ekis ettürgen.

Söretlerning köpükchisi dunyadiki tinichsiz, yeni urush, tebi'iy, siyasiy weyranchiliqlargha uchrighan jaylarda tartilghan bolup, afghanistan, chéchiniye, gruziye, somali, wyétnam qatarliq jaylardiki ijtima'iy hemde tebiy shara'itlar bilen shu jaydiki kishilerni ustiliq bilen alghan süretlerning her biri bir hékayidek meniler béridu. Shundaqla aptorning tinchliq, illiqliqni tewsiye qiliwatqanliqi körünüp turidu.

Ré'alliqni ekes ettürgen resim

Körgezmide kishini jelp qilidighan alahide bir sür'et bolup uninggha "sherqiy türkistanda - xitayning eng bulungida xitay baliliri kommunizimni satmaqta" dégen téma qoyulghan. Bu süretni réza 1995 - yilidiki Uyghur aptonum rayoni qurulghanliqining 40 yilliqini tebriklesh pa'aliyitide süretke alghan bolup sürette xitay armiyisining kiyimini kiyiwalghan xitay baliliri sehnide nomur körsitiwatqan körünüsh bolup, süretni biwaste körgüchide héchqanche chongqur tesirat peyda qilalmisimu emma uning qoyulghan téma hemde chüshendürüsh kishilerning diqqitini tartqan.

Aptor réza bu süretke bergen chüshendürüsh sözide "xitay hökümiti sherqiy türkistanda -1995 - yili aptonum rayoni qurulghanliqining 40 yilliqini tebriklesh üchün mexsus sen'et kéchiliki teshwiqat pa'aliyetlirini uyushturdi. Uning ichide balilarningmu naxsha usul nomurliri orunlashturulghan bolup, mezkur xitay baliliri orunlighan nomurda bu jayning xitaylar teripidin bésiwilin'ghanliqi hemde dawamliq bésiwélishqa herket qiliwatqanliqining bir ré'alliq ikenliki ekis étidu. " Dep yézilghan. Körgezmige qoyulghan süretler ichide yene bir qanche parche sherqiy türkistan témisidiki eserlermu bar bolup, asasen ademler bilen sherqiy türkistanning tebi'iy hem ijtima'iy shara'iti eks ettürülgen güzel eserlerdur.

Dunyagha dangliq fotograf réza Uyghur élighimu bir qanche qétim ziyaretke barghan bolup, u u jayda foto apparati arqiliq alahide kespiy xatirilerni qaldurghan. Rizaning mezkur chong tiptiki foto eserliri körgezmisi washin'gitonda iyundin öktebirgiche dawam qilmaqchi.

Amérikining paytexti bolghan washin'giton shehrining güzel sen'et muzéyliri dunyagha dangliq bolup, her qaysi muzéylarda, dunyaning her qaysi jayliridin her qaysi milletlerge tewe güzel sen'etchilerning eserliri üzülmey körgezme qilinip turidu. Yéqinqi yillardin béri bu muzéylarda Uyghurlargha a'it güzel sen'et eserliridin bashqa yene, Uyghurlardin chiqqan dangdar ressamlardin nejmidin ezizi, abdukérim nesirdin ependi hemde hösnixetchi niyaz kérim sherqi qatarliq kishilerning eserlirimu qoyulup amérika tamashibinlirini jelp qilghan. (Gülchéhre)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet