Jorj bush kondiliza raysni tashqi ishlar ministirliqi wezipisige teyinlidi


2004-11-17
Share

Prizédént joj bush seyshenbe küni özining qedinas dosti, ishenchlik bixeterlik meslihetchisi kandiliza raysni tashqi ishlar ministirliqining bashliqliqigha teyinlidi. U sözide mundaq didi:

" Kondiliza rayis pütün amérika xelqi we xelq'ara jem'iyet teripidin obdan tunulghan. Ötkenki töt yil jeryanida, men uningdin köp meslihetlerni aldim, mol tejribisidin paydilandim. Men uning etrapliq we puxta höküm chiqiridighan qabiliyitige apirin oquymen. Kondiliza raysning méning ichki kabéntimgha qatnishishni maqul körgenlikidin intayin pexirlendim. Tashqi ishlar ministiri amérikining dunyadiki wekili. Pütün dunya'ehli doktur kondiliza rayisning wujudidin dölitimizning küchi, salapiti we shan sheripini köriwalalaydu."

Amérikining qanuni boyiche, eger amérika dölet mejlisi kéngesh palatasi kondiliza raysni testiqlisila, u tünji qétim amérika tashqi ishlar ministirliqigha teyinlen'gen qara tenlik ayal bolup hisablinidu. Kondiliza rayis uzun ötmeyla kolin pawélning wezipisini tapshurup alidu. Kolin pawél bir nechche ay ilgirila prizidéntqa yene bir qarar wezipe ötesh niyitining yoqliqini bildürgen idi.

Amérika awazi radi'osining xewirige qarighanda, gerche kolin pawél xelq'arada birdek hörmetke sazawer, dölet ichide jorj bushqa qarighanda téximu alqishqa ige bolsimu, biraq iraqqa hojum qilish we shimaliy koriye yadro mesilisini qandaq bir terep qilish qatarliq mesililerde uning aq saray we besh burjeklik binadiki emeldarlar bilen ixtilabi bar iken.

Xewerge qarighanda, kondiliza raysning tashqi ishlar ministirliqigha teyinlinishi jorj bush hökümitining ichidiki oxshash bolmighan pikirlerning chiqish ihtimalliqini azaytidiken.

Bush: rayis térrorchiliqqa qarshi urushning halqiliq peytide wezipige teyinlendi

Pirizidént jorj bush kondiliza raysni teyinlesh murasimida, rayis xanimning térrorchiliqqa qarshi küresh dawamlishiwatqan hel qilghuch peytte tashqi ishlar ministiri wezipisige teyinlen'genlikini körsetti.

Jorj bush, özining ikkinchi qétimliq wezipe ötesh mudditi ichidiki asasliq nishanlirining térrorchiliqqa qarshi urushning ghelibisini qolgha keltürüsh, ottura sherqte islat élip bérish we keng kölemde yoqitish xaraktérlik qorallarning kéngiyishini cheklesh bolidighanliqini eskertti.

Doktur kondiliza rays xanim jorj bushning pilanlirini orundash üchün tirishchanliq körsitidighanliqini bildürdi. U yene mundaq didi:

"Teklip boyiche sizning yitekchilikingizdiki hökümetke we dölitimge xizmet qilish méning pexrim. Qedirlik dostum kolin pawélning wezipisini tapshurup élishni oylashqimu pitinalmighan idim. Kolin pawél dölitimiz tarixida meydan'gha kelgen eng munewwer dölet xadimining biri."

Melumatlargha qarighanda, kondiliza raysning dölet mejlisi teripidin testiqlinishining intayin ongaygha chüshidiken.

Kondiliza rays amérika tashqi ishlar ministirliqi wezipisini tapshurup alghandin kiyin, amérikining tashqi siyasitide qandaq özgürüshler bolishi momkin digen mesilige qarita, amérikida qanun penliri boyiche ilim tehsil qiliwatqan, amérika Uyghur jem'iyitining re'isi nuri türkel ependi mundaq didi:

Kondiliza raysning shexsiy tarixi

Kondiliza rays 1954 - yili amérikining alabama shtatining bérminham shehiride tughulghan bolup, u yashliq dewirliride utuq qazan'ghan muzikant we tenherketchi bolghan. U shundaqla 26 yéshida amérika xarword uniwérsitétining dokturluq unwanigha ériship, 1981 - yilidin bashlap, amérikidiki dangliq sitenford uniwérsitétida siyaset penliri boyiche proféssorluq wezipisini ötigen. Bu jeryanda u, sherqiy we gherbiy girmaniyining birlikke kélishi we sabiq sowit ittipaqining parchilinishi heqqide kitablarni yazghan.

Kondiliza rays 2000 - yili tashqi ishlar meslihetchisi salahiyiti bilen jorj bushning saylam herikitige qatnashqan. Jorj bushning saylamda ghelibe qilishi bilen, rays jorj bushning dölet bixeterlik meslihetchisi wezipisini öz üstige alghan.

Nuriy türkel ependi, ötkenki töt yil jeryanida, kolin pawil bashchiliqidiki tashqi ishlar ministirliqining Uyghurlar mesilisige yéqindin köngül bölüp, Uyghurlargha paydiliq bir qisim siyasetlerni yürgüzgenlikini tekitlep, talantliq rehber kondiliza rays xanimningmu bundin kiyinki wezipe ötigen mezgilide, Uyghurlargha oxshash éziliwatqan milletlerning siyasi, iqtisadiy menpe'eti we kishilik hoqoqini qoghdashqa küch chiqirishini ümüd qilidighanliqini bildürdi. (Arzu)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet