Kondaliza rayis kanadani ziyaret qildi


2005-10-25
Share
Kondaliza rayis xanim kanada tashqi ishlar ministiri Pierre Pettigrew bilen muxbirlarning so'allirigha jawab bermekte.AFP

Amérika dölet ishliri katipi kondaliza rayis düshenbe küni ottawagha yétip kélip, ikki künlük kanada ziyaritini bashlidi. Rayis xanim kanadagha ayaq bésishtin sella ilgiri kanada bash ministiri pa'ul martin kanadaning xitay qatarliq asiya döletlirige qaratqan énérgiye éksportini kéngeytish tirishchanliqining amérikigha taqabil turush emeslikini eskertti.

Kondaliza rayisning bu qétimliq kanada sepiri uning dölet ishliri katipi bolghandin kéyin tunji qétim kanadani ziyaret qilishi bolup, kanada amérikining bashqurulidighan bombidin mudapi'e körüsh sistémisigha qatnishishni ret qilghanlighi üchün rayis xanimning bu yil mart éyida kanadani ziyaret qilish pilani emeldin qaldurulghanidi.

Amérika prézidénti bush we kanada bash ministiri pa'ul martin ikki dölet munasiwitining yenila saghlam ikenlikini tekitligen bolsimu kanada jama'iti , kondaliza rayisning dölet ishliri katipi bolghandin buyan 38 döletni ziyaret qilghanliqi we kanadaning u ziyaret qilghan 39-dölet bolghanlighi qatarliqlargha diqqet qilmaqta.

Bu heqtiki tepsiliy melumatlarni kanadadiki ixtiyari muxbirimiz exmet tursundin anglang.

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet