رابىيە قادىرنىڭ قىزى روشەنگۈل نەزەربەندتىن قۇتۇلدى
2006.11.14

ئۇيغۇر مىللىي ھەرىكىتىنىڭ رەھبىرى رابىيە خانىمنىڭ قىزى روشەنگۈل ئابدۇرېھىم 5- ئاينىڭ 29- كۈنى يەنى ئامېرىكا دۆلەت مەجلىسى ۋەكىللەر ئۆمىكىنىڭ ئۇيغۇر ئېلىگە كېلىشىدىن بىر كۈن بۇرۇن ئىككى قېرىندىشى ئابلىكىم ئابدۇرېھىم ۋە ئالىم ئابدۇرېھىم بىلەن بىرلىكتە خىتاي ساقچىلىرى تەرىپىدىن تۇتۇپ كېتىلگەن . خىتاي دائىرىلىرى ئالىم ئابدۇرېھىم ۋە ئابلىكىم ئابدۇرېھىمنى قولغا ئېلىپ روشەنگۈل ئابدۇرېھىمنى ئۆيىدە نەزەربەند قىلغاندىن كېيىن 6-ئاينىڭ 13- كۈنى رابىيە خانىمنىڭ ئەڭ چوڭ ئوغلى قاھار ئابدۇرېھىمنىمۇ ئاقسۇدا تۇتۇپ ئۈرۈمچىگە ئېلىپ كەلگەن ئىدى.
خىتاي ھۆكۈمىتىنىڭ رابىيە خانىمنىڭ پەرزەنتلىرىنى تۇتۇشى، ئامېرىكا دۆلەت مەجلىسى ۋەكىللەر ئۆمىكىنىڭ خىتاي ۋە ئۇيغۇر ئېلىگە قاراتقان زىيارىتىنى بىكار قىلىشىغا سەۋەب بولغان ۋە ئامېرىكا ھۆكۈمىتى بىر بايانات ئېلان قىلىپ خىتاي ھۆكۈمىتىدىن رابىيە خانىمنىڭ پەرزەنتلىرىنى دەرھال قويۇپ بېرىشىنى تەلەپ قىلغان ھەمدە ئامېرىكا دۆلەت مەجلىسىنىڭ 72 ئەزاسى خىتاي دۆلەت رەئىسى خۇ جىنتاۋغا خەت يېزىپ، ئۇنى رابىيە خانىمنىڭ پەرزەنتلىرىنى قويۇپ بېرىشكە ۋە رابىيە خانىمىنىڭ ئائىلە تاۋاباتلىرى ئۈستىدىكى بېسىمنى بىكار قىلىشىقا چاقىرغان ئىدى.
شۇنداقلا خەلقئارا كىشىلىك ھوقۇق تەشكىلاتلىرى ۋە چەتئەللەردە پائالىيەت ئېلىپ بېرىۋاتقان ئۇيغۇر تەشكىلاتلىرى خىتاي ھۆكۈمىتىنىڭ رابىيە خانىمنىڭ پەرزەنتلىرىنى قولغا ئالغانلىقىنى قاتتىق ئەيىبلەپ، بۇنى خىتاي ھۆكۈمىتىنىڭ ئۇيغۇرلارنىڭ كىشىلىك ھوقۇقى ئۈچۈن پائالىيەت ئېلىپ بېرىۋاتقان رابىيە خانىمدىن ئۆچ ئېلىش ھەرىكىتى دەپ كۆرسەتكەن ئىدى.
ئۇيغۇر مىللىي ھەرىكىتىنىڭ رەھبىرى رابىيە قادىر خانىم، خىتاي ھۆكۈمىتىنىڭ قىزى روشەنگۈل ئابدۇرېھىم ئۈستىدىكى نازارەتنى بىكار قىلغانلىقى مۇناسىۋىتى بىلەن رادئىئومىز مۇخبىرىمىز ئۆمەر قاناتنىڭ زىيارىتىنى قوبۇل قىلىپ، قىزى روشەنگۈلنىڭ ئەركىنكلىككە ئېرىشكەنلىكىدىن كۆپ خۇرسەن بولغانلىقىنى، روشەنگۈل نەزەربەند ئاستىدا كۈنلىرىنى قانداق ئۆتكۈزگەنلىكىنى، ۋە ئۇنىڭ ھازىرقى سالامەتلىك ئەھۋالى ھەققىدە توختالدى.
مۇناسىۋەتلىك ماقالىلار
- رابىيە خانىم پەرزەنتلىرى ھۆكۈمەت تەرىپىدىن تەييارلانغان ئەيىبنامىگە قول قويدۇرۇلغان
- خىتاي رابىيە قادىر خانىمنىڭ ئىككى ئوغلى ئۈستىدە ئېلىپ بېرىلغان سوت ھۆكۈمىنى ئاشكارىلىمىدى
- خىتاي دائىرىلىرى رابىيە قادىرنىڭ پەرزەنتلىرى ئۈستىدىن پات ئارىدا سوت ئاچماقچى
- خىتاي رابىيە قادىرنىڭ پەرزەنتلىرىنى سوتلاشنى كېچىكتۈردى
- خىتاي ھۆكۈمىتى نىمە ئۈچۈن رابىيە قادىر ئائىلىسىگە قاراتقان سىياسىي ھۇجۇمىنى ئىزچىل داۋاملاشتۇرۇپ كەلدى
- رابىيە قادىرنىڭ ئوغلى ئالىم خىتاي تەرىپىدىن مەجبۇرىي ئىقرار قىلدۇرۇلدى
- ئامېرىكا دۆلەت مەجلىسى ئەزالىرى خۇ جىنتاۋغا خەت يېزىپ، رابىيە قادىرنىڭ پەرزەنتلىرى قويۇپ بېرىشنى تەلەپ قىلدى
- رابىيە قادىر خانىم پەرزەنتلىرىنى مىللىتىدىن ئۈستۈن قويالمىدى
- خىتاي ھۆكۈمىتىنىڭ رابىيە قادىر پەرزەنتلىرىنى قولغا ئالغانلىقى مۇناسىۋىتى بىلەن نامايىشلار
- رابىيە قادىرنىڭ پەرزەنتلىرىنىڭ تۇتقۇن قىلىنىشى رۇس تىلىدىكى مەتبۇئاتلاردا
- رابىيە قادىر: خىتاي ھۆكۈمىتى بالىلىرىمنى قولغا ئېلىش ئارقىلىق پائالىيەتلىرىمنى توسىيالمايدۇ
- قىرغىزىستاندا مۇخبىرلارنى كۈتۈۋېلىش يىغىنى ئۆتكۈزدى