Виладимер путин русийиниң һава армийә күчини намайиш қилди


2007-08-21
Share

Һавада маһарәт көрситиватқан русийә һава армийиси, 2007 - йили 11 - авғусттики 95 йиллиғини хатирләш мурасимида. "Russian Knights" demonstrate their skill in Monino, during an air show marking the 95th anniversary of the Russian Air Forces, 11 August 2007. AFP PHOTO / MAXIM MARMUR

21- Авғуст сәйшәнбә күни русийә, жуковский һәрбий базисида 6 күн давам етидиған хәлқаралиқ авиатсийә вә аләм қатниши көргәзмисини башлиған болуп, мәзкур көргәзмә русийә федератсийиси қурулғандин буянқи әң чоң авиатсийә көргәзмиси болуп һесаблинидикән.

Бу авиатсийә көргәзмиси москваға йеқин җайлашқан мәхпи һәрбий база жоковскйдә елип берилған болуп, ечилиш мурасимида русийә президенти виладимер путин сөзгә чиқти вә: "бу көргәзмә бизниң һәрбий авиатсийә техникисидики йетәкчи орнимизни қуввәтләп туруватиду" деди. Путин йәнә, русийә айропилан ишләпчиқарғучи ширкәтлири, сүпити яхши мәһсулатлар билән , йолучи вә транспорт айропиланлириниң дуняви авиатсийә базириға актип қатнишиши керәк, дәп көрсәтти.

Бу авиатсийә көргәзмисидә көп йеңилиқлар болмиған

Мәлум болушичә, бу нөвәтлик 6 күнлүк авиатсийә көргәзмисидә, русийә өзиниң илғар "сухой" вә" миг" типлиқ күрәшчи айропиланларни вә S-400 типлиқ башқурулидиған бомбилардин мудапиәлиниш системилирини көргәзмә қилған.

Бирләшмә агентлиқи 21- авғуст русийидин бәргән хәвәрдә америкиниң явропада турушлуқ һава армийисиниң генерали вилям т. Һобинсниң ейтқанлирини нәқил кәлтүрүшичә, у, "русийә һава армийисиниң мән бурун көрүп бақмиған есил айрупиланлири бар икән. Сухой , миг типлиқ күрәшчи айрупиланларға нурғун йеңи техникилар ишлитилгәнликини көрдүм" дәйду.

Әмма бәзи тәһлилчиләр русийиниң айрупиланлиридики бу йеңилиқлардин гумансирайдиғанлиқини билдүргән.

Һәрбий анализчи павел феленһаверниң бирләшмә агентлиқиға билдүрүшичә, он йилдин буян русийә өткүзүп келиватқан авиатсийә көргәзмисидә көп йеңилиқлар болмиған болуп у, "русийиниң 'сухой ' вә' миг' типлиқ күрәшчи айропиланлирини "көпләп ишләпчиришқа кириштүрүлмигән оюнчуқ айропиланлар, " дәп атиди.

Һазир түркийидә хизмәт қиливатқан оттура сия сиясий тәтқиқатчиси доктур әркин әкрәм русийә һәрбий авиатсийә техникисиниң америкиниң һәрбий вә авиатсийә техникисиға селиштурғанда хели арқида икәнликни көрсәтти вә авиаматкини мисал қилип, рус күрәшчи айропиланлириниң пәқәт өрләш тахтисиниң ярдимидила авиаматкидин һаваға көтириләләйдиғанлиқини әмма америкиниң күрәшчи айропиланлириниң авиаматкидин биваситә һаваға көтириләләйдиғанлиқини көрсәтти.

Хитай русийә қораллириниң әң чоң херидари

Бу көргәзмигә дуня бойичә 70 гә йеқин дөләт қатнашқан болуп, көргәзмә өмики ичидә хитай, латин америка вә әрәб әллиридин кәлгәнләр әң коп салмақни игиләйдикән.

Әркин әкрәмниң билдүрүшичә, русийә билән америкиниң қорал- ярақ техника системисиниң охшимайдиған икки категорийә йәни варшава системиси вә шималий атлантик окян әһди тәшкилати системиси икәнликини, мушу нуқтидин елип ейтқанда хитайниң русийидин қорал ярақ сетивелишни халайдиғанлиқини оттуриға қойди вә хитайниң бу көргәзмигә көп адәм әвәтишниң нормал икәнликни көрсәтти.

Алдинқи һәптә русийә билән хитай шаңхәй һәмкарлиқи тәшкилатниң қалқини астида бирлишип елип барған"тинчлиқи бурчи2007 "намлиқ һәрбий маневир аяғлашқиниға узун болмиди. Шу маневир аяғлишиш алдида 17-авғуст җүмә күни, русийә президенти виладимер путин 15 йилдин буян учуши тохтитилған узақ мусапилик бомбардиманчи айропиланларни қайтидин вәзипә өтәшкә салидиғанлиқини җакарлиған иди.

Доктур әркин әкрәм" : русийиниң бу хил сиясәтлири америкиға анчә чоң йәткүзәлмәйду"

Путин, русийиниң узақ мусапилик истратегийилик бомбардиманчи айропиланларни қайта ишқа кириштүрүлиши үстидә мухбирларға, башқа дөләтләрниң бу хилдики айропиланларни ишлитиштин тохтатмиғанлиқи русийигә хәтәр пәйда қиливатқанлиқини билдүргән.

Алдинқи һәптә русийиниң узақ мусапилик бомбардиманчи айрупиланлири америкиниң тинч окяндики гуам һәрбий базисиға йеқинлашқан. Әмма америка һәрбий тәрәпниң билдүрүшичә, рус айрупиланлири агаһландуруш бәргидәк дәриҗидә йеқинлашмиған.

Америка ташқи ишлар министирлики баянатчиси сиан мекормек: "әргә русийә бу кона айропиланларни елип чиқип қайта учурушни халиған болса, бу уларниң өзиниң қарари" икәнликни билдүрүп, бу җәһәттә америкиниң интайин салмақ икәнликини ипадилигән.

Тәтқиқатчи доктур әркин әкрәм, русийиниң бу хил сиясәтлириниң америкиға анчә чоң тәсир йәткүзәлмәйдиғанлиқини билдүрди.

Русийә һәрбий вә авиатсийә санаитини гүлләндүрүш үчүн көпләп мәбләғ салмақчи

Әркин әкрәмниң билдүрүшичә, русийә нефит вә тәбиий газ содисидин алған пайдисиға йәниму илғар болған һәрбий техникиларға мәбләғ селиш үчүн һазир қолида бар техникилирини сетиш йолини тутқан икән.

Совет иттипақи ғулап чүшкәндин кийин русийә авиатсийә санаитигә салидиған мәбләғни көпләп қисқартқанлиқи вә ғәрб әллиридә ясалған күрәшчи вә йолучи айропиланлар техника илғарлиқи һәм лайиһилиништики көркәмлики билән русийиниң айропиланлиридин ешип чүшкән болғачқа русийә авиатсийә санаити чөкүшкә башлиған иди.

Русийә бирләшмә авиатсийә санаити ширкитини президенти алексей фйдоровниң билдүрүшичә, һөкүмәт рус авиатсийә санаитини гүлләндүрүш үчүн 250 милярд доллар мәбләғ салидикән. (Җүмә)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт