Сабит дамолламниң китаби түркийидә нәшир қилинди


2007.09.27
Share on WhatsApp
Share on WhatsApp

SabitDamollamKitawi-150.jpg
Алим вә сиясий әрбаб сабит дамоллам тәрипидин муһәммәт әләйһиссаламниң һаятиға беғишлап йезилған мәхсус әсәр" шерин калам тәрҗимиһал муһәммәд әләйһиссалам " RFA Photo/Erkin Tarim

20 - Әсирниң алдинқи йеримида йетишкән атақлиқ дини алим вә сиясий әрбаб сабит дамоллам тәрипидин муһәммәт әләйһиссаламниң һаятиға беғишлап йезилған мәхсус әсәр" шерин калам тәрҗимиһал муһәммәд әләйһиссалам " намлиқ әсәр истанбулда нәширдин чиқти.

Әсәр, истанбулдики тәклимакан уйғур нәшрияти тәрипидин нәшир қилинған болуп, бу китабниң -6 қетим нәшир қилиниши икән. Шерин калам намлиқ әсәр уйғур тилида шундақла бир уйғур алими тәрипидин муһәммәт пәйғәмбәрниң һаяти һәққидә қәләмгә елинған бирдин - бир әсәр болуп, әсәр тунҗи қетим 1928 - йили муәллипниң рухсити билән ғулҗа шәһириниң һөкүмәт мәтбәәсидә нәшир қилинған. 1938 - Йили болса һиндистанда иккинҗи қетим нәшир қилинған. 3 - Қетим 1966 -йили рамизан ейида пакистанниң карачи шәһиридә уйғур тилида бесип тарқитилған. 1985- Йилида сәуди әрәбистанниң җидди шәһиридә 4 - қетим, 2000 - йили йәнә җиддә шәһиридә -5 қетим нәшир қилинған. Истанбулда чиққан нәшри китабниң 6- қетим нәширдин чиқиши болуп һесаблинидикән. Бу әсәрни турғунҗан алавудун нәширгә тәйярлиған болуп абдуҗелил туран тәһрирликини қилған.

Бу китаб һәққидә техиму тәпсили мәлумат елиш үчүн тәклимакан уйғур нәшрияти мәсули абдуҗелил туран әпәнди билән телефон зиярити елип бардуқ. (Әркин тарим)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.