D u q wekili se'udi erebistanda rabiye qadir xanimning pa'aliyetliri heqqide melumat berdi


2007.10.11

Dunya Uyghur qurultiyi mu'awin bashliqi, sherqiy türkistan medeniyet we hemkarliq jem'iyiti bashliqi séyit tümtürk ependi dunya Uyghur qurultiyining orunlashturushi bilen 12 künlük se'udi erebistan ziyariti jeryanida bir yürüsh pa'aliyetlerni élip barghan.

10-Ayning 10-küni se'udi erebistandin qaytip kelgen d u q mu'awin re'isi séyit tümtürk ependi ayropilandin chüshüpla ziyaritimizni qobul qilip, u yerdiki pa'aliyetliri heqqide melumat berdi. U radi'omizgha bergen melumatida, se'udi erebistanda yashawatqan Uyghurlargha dunya Uyghur qurultiyining shundaqla d u q re'isi rabiye qadir xanimning dunyada élip bériwatqan pa'aliyetliri heqqide melumat bergenlikini, se'udi erebistandiki Uyghurlargha dunya Uyghur qurultiyini etrapliq chüshendürgenlikini éytti.

Séyit tümtürk ependi yene sözide, se'udi erebistan ziyariti jeryanida dunya islam qurultiyi teshkilatining musulman bolmighan döletlerde az sanliq millet süpitide yashawatqan musulmanlargha mes'ul xadimi eli demirchi ependi bilen körüshüp, sherqiy türkistandiki musulmanlar duchar boliwatqan insan heqliri depsendichilik ehwalliri heqqide melumat bergenlikini, shundaqla ularning hésdashliqini qolgha keltürgenlikini éytti.

Yuqiridiki ulinishtin, erkin tarimning séyit tümtürk ependining se'udi erebistan ziyariti heqqide élip barghan söhbitining tepsilatini anglaysiler.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.