Пүтүн байлиқини хәлқи үчүн ативәткән бай


2007-10-15
Share

Бу пүтүн һаятини җапа - мушәққәт билән өткүзүп, бир өмүр ишләп пул тапқан вә тапқан пули билән бу дуняниң раһитини тетиштинму, өз хәлқигә ярдәм қилишни үстүн көргән вә пүтүн тапқан, тәргәнлирини хәлқи үчүн ативәткән бир пидакар шәхсниң қиссисидур.

2006- Йили 12- январ күни сәуди әрәбистаниниң мәдинә мунәввәрә шәһиридә вапат болған турғунҗан һаҗим мундин 60 йил илгири уйғур елиниң хотән вилайитидин сәуди әрәбистаниға һиҗрәт қилип келип йәрлишип қалған киши болуп, турғунҗан һаҗим өз меһнити билән тиҗарәт қилип бейиған вә сәуди әрәбистанида көзгә көрүнгән байлардин санилатти.

Бу кишиниң сәуди әрәбистаниниң җиддә вә мәккә мукәррәмә шәһәрлиридә көплигән өй- имарәтлири вә дуканлири болуп, тапқан пулини өз хәлқиниң еһтияҗлири үчүн сәрп қилиштәк есил хислити билән хәлқ арисида тонулған надир шәхсләрдин иди. Мәрһум турғунҗан һаҗим вапат болуп кетиши алдида пүтүн мал - дунясини өз хәлқиниң мәнпәәти үчүн вәқп қилип кәткән.

Абдулла дөләт билән сөһбәт

Сәуди әрәбистаниниң мәдинә мунәввәрә шәһиридики хотән вәқп өйиниң мәсули устаз абдулла дөләт мәрһум турғун һаҗим тоғрулуқ тохтилип мундақ деди:" мәрһум турғунҗан һаҗим шәрқий түркистанниң хотән вилайитидә тоғулған вә мундин 60 йил илгири бу җайға һиҗрәт қилип кәлгән киши болуп, тиҗарәт билән бейиған. Әмма һаятида һеч өйләнмигәнликтин, униң байлиқиға варислиқ қилидиған варислири йоқ иди. Мәрһум турғунҗан һаҗим хәйр - сахавәт ишлирида наһайити сехий вә мәрд киши болуп, уйғурлардин болған аҗиз - уруқ, пеқирларға һәмишә ярдәм қолини сунатти, мәсчит вә мәдрисә селиш ишлириғиму ярдәм қилатти. 2005- Йили мәдинә мунәввәрә шәһиридики хотән вәқп өйини қайта селип чиқиш ишлириға 300 миң риял сәуди әрәбистани рияли (тәхминән 80 миң америка доллири) ианә қилған иди. Кейинчә мәрһум һаятиниң ахирлишип қалғанлиқини сәзгәнму, җиддә вә мәккә мукәррәмә шәһәрлиридики барлиқ йәр - земинлири, нәқ пулини өз миллитиниң еһтияҗи йолида вәқп қилиш пикригә келип, башқиларға бу һәқтә мәслиһәт салған болди. Һәмминиң қоллиши билән бу вәқипни әмәлгә ашурди. Вәқипниң шәртлиридә мәрһум турғунҗан һаҗим пүтүн йәр - земинлирини кираға қоюп униңдин чиққан пайдиларни топлап уйғурлар үчүн йеңи вәқп биналирини сетивелиш, диний китабларни нәшр қилиш, мәктәп вә мәсчитләргә ярдәм қилишниму қошуп қойған."

Турғунҗан һаҗимниң вапати

Абдулла дөләтниң ейтишичә, мәрһум турғунҗан һаҗим қолидики пүтүн байлиқлирини вәқп қиливәткәндин кейин, тиҗарәт ишлириниму тохтитип, мәдинә мунәввәрә шәһиригә берип ибадәт биләнла шуғулланған болуп, аридин көп вақит өтмәстин 2006 - йили 12 - январ күни мәдинә мунәввәрә шәһиридә вапат болған. Җиназиси мәдинә мунәввәрә шәһиридики пәйғәмбәр мәсчитидә оқулуп, "бәқи" қәбристанлиқиға дәпнә қилинған.

Абдулла дөләтниң ейтишичә, мәрһум вапат болуштин илгири мәккә мукәррәмә шәһиридин 350 миң риял ( тәхминән 95 миң америка доллири) ға төт қәвәтлик бир бинани сетивелип, униму уйғурлар үчүн вәқп қиливәткән. Һазир мәрһум турғунҗан һаҗим вәқписиниң ярдими билән нәшр қилинип кәң уйғурларға тарқитилған диний китабларму хели бар икән. Мәрһумниң вәқп қилип кәткән җими байлиқи бир милйон америка доллиридин ашидикән. (Өмәрҗан)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт