Se'udi erebistan shirketliri xitay malliridin shikayet qilmaqta

Se'udi erebistani shirketliri xitaydin kélidighan mallarning markilirining éniq emeslikidin shikayet qilghan bolup, se'udi erebistani tamozhnisining mes'ulliri xitaydin kelgen mexsus wekilge bu shikayetlerni yetküzgen we özliriningmu bu ishtin rahetsiz ikenliklirini bildürüshken.
Muxbirimiz ömerjan toxti
2009-04-22
Share
Saxta-Dvd-xitay-305 Xitayda eqliy mülük hoquqigha tajawuz qilip ishlengen we musadire qilinghan saxta DVD lar.
AFP Phot

Se'udi erebistanida chiqidighan "el medine" gézitining 2009 - yili 20 - april sanida élan qilin'ghan bir maqaligha köre, bu yil martning 15 - küni se'udi erebistani tijaret merkizide se'udi erebistanliq mes'ullar bilen xitayning yuqiri derijilik bir mes'ulining ishtirak qilishi bilen chong yighin chaqirilghan bolup, jidde sheherlik soda ishliri merkizining mu'awin bashliqi wasif kabili se'udi erebistanidiki bezi chong shériketlerning xitaydin kelgen mallarda saxta marka qollinish ishigha xatime bérishning zörürlikini tekitligen. Xitay wekili bolsa, saxta marka qollinish ishlirini tügitish üchün chare tedbir qollinidighanliqini bildürgen.
 
Gézitte éytilishiche, xitaydin kelgen mallar süpet jehette yawropa we amérika qatarliq döletlerge kélidighan malladin alahide perqliq bolup, mallarning süpetsiz bolghinining sirtida, bu mallar gah markisi éniq emes, gah saxta markilar bilen kélip shériket we shexslerni ziyan'gha uchratmaqta iken, hetta tamozhna idarisidiki mushkilatlargha seweb bolidiken. Bu sewebtin se'udi erebistanidiki chong shériketler we bezi soda komitétliri xitay malliridin shikayet qilghan.

Yene "se'udi erebistani téléiwiziye qanili" 2009 - yili 20 - april künidiki xewiride "yawropadiki xeterlik maddilarning menbi'i xtay" dégen xewerni anlatqan bolup, xewerde éytilishiche, yawropa ittipaqi mes'ulliri brossélda élan qilghan bayanatida, yawropa bazarlirida sétiliwatqan mallardiki xeterlik maddilarning yüzde 60 pirsentining menbi'i xitay ikenlikini éniq bayan qilghan. Bayanatta mundaq déyilgen:"ötken bir yil ichide yawropa bazarlirida sétiliwatqan mallardiki xeterlik maddilar heqqide élip bérilghan tekshürüshke köre, yawropa bazarliridiki mallarda bayqalghan xeterlik maddilarning yüzde 60 pirsentining menbi'i xitay bolup, yawropa bazarlirida musadire qilin'ghanliri aran 20 prsentni teshkil qilidu. Ötken bir yil ichide xeterlik dep yighiwélin'ghan her xil mallaning türi 1866 ge yetken.
 
Bayanatta yene yawropa ittipaqining soda ishliri mes'ulliri yawropaliq shérketlerni hazirqi iqtisad kirizisini bahane qilip, süpetsiz we ölchemsiz mallarni keltürüshning aqiwitidin agahlandurghan.

Se'udi erebistanliq iqtisadshunaslardin hashim jebari téléwiziye muxbirining ziyanliq maddilar bolghan mallartoghruluq sorighan so'aligha jawap bérip mundaq didi:" biz xeterlik maddilar bar mallarni bazarlardin tosushqa ehmiyet bermigende, kirizis üstige kirizis bolup, biz oylap baqmighan ziyanlar kélip chiqishi mumkin."

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet