Saxta dorilargha zerbe bérish herikitide xelq'araliq jinayi ishlar saqchiliri 55 neper xitayni qolgha aldi

Yéqinda xitayda 29 ölke, sheher, aptonom rayondiki 170 sheherni qaplighan yer asti saxta dorilarni ishlepchiqirish, sétish dilosi pash boldi. Memlikettiki 3700 din artuq dora dukanliri bu dilogha chétilghan bolup, 1800 ge yéqin adem qolgha élin'ghan. Éniqlan'ghan yalghan dorilarning omumi sommisi 2milyard yüendin éship ketken.
Ixtiyari muxbirimiz azad
2011.11.25
sahta-dorilar-305 Sürette xitayning xangju shehride éniqlan'ghan saxta dorilar
RFA
audio
Anglash Awazni köchürüsh


Rusiye aginitliqining xewirige qarighanda, nöwette xitayda ishlen'gen saxta dorilar köpligen döletlerge tarqalghan bolup, yéqinda xelq'araliq jinayi ishlar saqchiliri 79 döletning alaqidar organliri bilen birliship élip barghan bir heptilik yalghan dorilargha zerbe bérish herikitide saqchilar xitayda ishlen'gen, omumi sommisi bir qanche milyard amérika dollirigha yétidighan 2milyon 500 ming quta her türlük saxta dorilarni qolgha chüshürgen. Sintebirning 20 - künidin 27 - künigiche dawam qilghan saxta dorilargha zerbe bérish herikitide xelq'araliq jinayi ishlar saqchiliri her qaysi döletlerde 55 neper xitayni qolgha alghan. Torda saxta dora sodisi bilen shughullinidighan 13000 din koprek tor betlirini taqighan.

Ruytérs aginitliqining xewirige qarighanda, xitayda her yili saxta dorilarni istimal qilghanliq sewebidin ölüp kétidighanlarning sani 200 mingdin ashidiken. Xewerde yene körsitilishiche, xitaydiki 10 milyondin ashidighan gas - gacha ösmürlerning kem dégendimu 60 - 80 % i saxta dorilarni ishlitish sewebidin shundaq kisellerge giriptar bolghanlarken.

“Xiwashya waqti” gézitining bu heqtiki maqaliside yalghan, saxta dorilarning pütün memliketke yamrap apetke aylinishida hemde shunche köp dorixanilar we sehye orunlirining saxta dorilar bazirigha aylinip qélishida, xitay memliketlik dorilarning süpitini tekshürüsh idarisining bash tartip bolmaydighan mes'uliyiti barliqi shundaqla munasiwetlik organlarning qanuni jawabkarliqini sürüshtürüsh lazimliqi otturigha qoyulghan. Maqalide yene xitay hökümet orunlirida ewj alghan parixorluqning bundaq qanunsiz qilmishlarning asasliq menbesi ikenliki tekitlen'gen.

Yéqinqi waqitlardin buyan xitayda yüz bériwatqan yimek - ichmek we saqliqni saqlashqa munasiwetlik pütün memliketni qaplighan ijtima'i jinayetlerning heddidin ziyade köpiyip kétishi xelq ammisi arisida hökümet da'irlirige ishenmeslik xahishining ewj élishigha seweb bolmaqta.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.