Иҗтимаий суғурта мәсилиси америка прездент риқабитидики мәркизи темиға айланди


2004-10-20
Share

Америка презденти җорҗи буш билән кеңәш палата әзаси җон кәрей оттурисидики риқабәт америкиниң ички мәсилилири бойичә кәскин түс елишқа башлиди . Иҗтимаий суғурта түзүми прездент намзатлири оттурисидики риқабәтниң мәркизи темисиға айланди . Димукратлар прездент намзати җон кәрей билән җумһурийәтчиләр прездент намзати җорҗи буш иҗтимаий суғурта түзүмини ислаһ қилиш мәсилиси бойичә бир- биригә шиддәт билән һуҗум қилди . Сәйшәнбә күнки сайлам паалийитидә иҗтимаий суғурта мәсилиси , ирақ вә терорчилиққа қарши туруш күриши қатарлиқ әнәнивий темиларниң орнини игилиди . Прездент буш сәйшәнбә күнки сайлам паалийитини флоридада елип барди . Кеңәш палата әзаси җон кәрейниң сайлам паалийити пенсилванийидә давам қилди . юқириқи икки штат һәр икки партийә прездент намзатлириниң ғәлибигә йеқинлишишдики ачқучлуқ штатлар болуп һесаплиниду .

Иҗтимаий суғурта түзүми америкида дәм елишқа чиққанларниң муһим кирим мәнбәси болуп , бу мәсилә икки партийә прездент намзатлириниң сәйшәнбә күнки сайлам риқабитиниң мәркизи темисини игилигән . Һазирқи америка иҗтимаий суғурта сестимиси 1940 вә 1950 - йиллардики туғут долқунида дуняға кәлгән бовақларниң пинсийигә чиқиш дәвригә тоғра келиду . Бу америка иҗтимаий суғурта сестимисиниң малийә йүкини еғирлитиветиши мүмкин . Җон кәрей пенсилванийидики сайлам паалийитидә прездент бушни америка иҗтимаий суғурта сестимисини бикар қилишқа урунмақта , дәп әйиплигән . Җумһурийәтчиләр прездент намзатини байлар тәбиқисигә көңүл бөлүш билән тәнқитлигән җон кәрей мундақ дәйду : " униң 4 йил җәрянидики байларға қаратқан баҗ кәчүрүм қилиш сиясити оттура тәбиқидики аилиләрниң мәнпәәтини зиянға учратти , иҗдимаи суғурта түзүмини хәтәрлик йолға елип кирди , дөләтниң яшанғанлар алдидики мәҗбурийитини бикар қилди ".

Флорида америкида дәм елишқа чиққанлар көп олтурақлашқан штатларниң бири . Прездент буш бу йәрдики сайлам паалийити җәрянида өзиниң иҗтимаи суғурта түзүмини бикар қилиш нийити барлиқини рәт қилди . Җон кәрейни қалаймиқан сөзләш билән әйиплигән прездент буш мундақ дәйду : " бу кеңәш палата әзаси тохтимай қақшап , даим ишлитип келиватқан қалаймиқан сөзләш тактикиси қоллиниватиду , бирақ у үзиниң кәлгүсигә даир иҗабий пиланини оттуриға қоялмиди , бу униң хатириси , шундақла бир- биригә зит болған бир қатар һәрикәтлири арқилиқ испатлиниватиду" . Прездент буш , дәм елишқа чиққанлар иҗтимаий параванлиқитин давамлиқ бәһриман болидиғанлиқи һәққидә вәдә берип , бу мәсилини омуми йүзлүк һәл қилиш чариси тепиш керәк дәп көрсәтти .

У яш хизмәтчиләрдин елинған иҗтимаий суғурта беҗи уларниң шәхсий һисап номурида сақлинидиғанлиқини әскәртип мундақ дәйду :" биз мәсилини охшимиған нуқтида туруп ойлишимиз зөрүр . Иҗдимаи параванлиқни күчәйтиш үчүн яш хизмәтчиләрниң муашидин елинидиған бир қисим баҗни уларниң шәхсий һисап номурида сақлиишимиз керәк . Буни уларниң өз намидики хусусий һисап номури дийишкә болиду" . Прездент бушниң сөзлиригә пенсилваниийидики димукратлар прездент намзати җон кәрей дәрһал һуҗум қилди . У мундақ дәйду : " бушниң хусусийлар өзи игә болуш дигини , сән пинсийигә чиққанда өз йолуңни үзәң тап дигәнликтур . Әмилийәттә бу һичқандақ мәхпийәтлик әмәс , бу униң пилани " . Йеқинда америка мәтбуатлири , прездент буш 2 - қетим сайланған тәқдирдә иҗтимаий суғурта түзүмини хусусилаштуруши мүмкин дигәнни илгири сүргән . Бирақ бу ақ сарайниң рәт қилишға учриди .

Америка прездент сайлминиға йәнә икки һәптә қалди . Сайламда америкилиқ мусулманларларниң кимгә биләт ташлайдиғанлиқи үстидин хәлқ райини синаш елип берилған . Җорҗитавен унверсити билән йәнә бир хәлқара аммиви тәкшүрүш оргини елип барған хәлқ райини синаш нәтиҗиси , америкидики мусулманларниң төтдән үч қисимидин көпирәки җон кәрейни қоллайдиғанлиқи мәлум болған . Хәлқ райини синаш паалийитигә қатнашқан 1800 дәк америкилиқ мусулманниң % 76 җон кәрейгә биләт ташлайдиғанлиқини билдүргән . 2000 - Йилдики сайламда мусулманларниң көп қисими һазирқи прездент җорҗи бушни қоллап биләт ташлиған иди . Көзәткүчиләр , америкилиқ мусулманлардики бу хил өзгүришкә 11 - синтәбир вәқәсидин кейинки терорчилиққа қарши урушниң биарамлиқ яратқанлиқи сәвәп болғанлиқини илгири сүрмәктә . (Әркин)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт