Se'udi erebistanda tunji qétim yerlik kéngesh ezaliri saylimi ötküzüldi


2005-02-11
Share

Gherb metbu'atlirining xewerliride körsitilishiche, bu qétim se'udi erebistandiki 178 neper kéngesh ezasining yérimi saylam arqiliq békitilip, qalghan yérimi kona usul boyiche se'udi padishahliqi teripidin békitlidiken. Shundaqla bu qétimliq saylam 3 basquchta élip bérilidighan bolup, aldi bilen paytext riyad shehiri we etraptiki rayonlar bélet tashlaydiken. Andin 3 -ayning bashliri se'udi erebistanning sherqiy we jenubiy qisimlirida, eng axiri 4 - ayda erebistan gherbiy we shimali rayonlirida saylam élip bérilidiken. Buninggha ilgiri-axir bolup 3 ay waqit kétidighanliqi mölcherlenmekte.

Peyshenbe künidiki birinchi qarar saylamda jem'iy 1 ming 8 yüz neper kandidat kéngeshtiki 127 orunni talishidighan bolup, bularning arisida 646 kishi paytext riyad shehirining 7 kéngesh ezaliq ornini qolgha keltürüsh üchün riqabetlishidiken. Xewerde melum bolishiche, riyad shehiridiki bu saylamgha bélet tashlash üchün texminen 148 ming er qatnashqan. Emma ayallar saylamgha qatnashturulmighan.

Saylamdiki bir kishi: kéler qétimliq saylamda ayallarmu qatnishishi kérek

Amérika birleshme agéntliqining ziyaritini qobul qilghan, bélet tashlashqa kelgen bir se'udi erebistanliq, ayallarningmu saylamgha qatnishishi kéreklikini bildürgen. U "kéler qétimliq saylamda ayallarmu choqum bélet tashlishi kérek" dégen.

Bélet tashlashqa kelgen yene bir kishi mezkür saylamning ehmiyiti heqqide toxtilip mundaq dédi:

" Men, bu saylamni démokratiyige qarap bésilghan nahayiti yaxshi bir qedem dep qaraymen. Biz se'udi erebistanning téximu köp islahatlarni élip bérishigha shahid bolushni xalaymiz".

Yawropada ziyarette boliwatqan amérika tashqi ishlar ministiri kondoliza rays bu qétimliq saylam heqqide toxtilip, buning bésilghan kichik bir qedem ikenlikini, shundaqla ularning saylamgha ayallarni qatnashturushini ümid qilidighanliqini bildürdi.

Shahzade mensür: se'udi erebistanning qanunida ayallarning saylamgha qatnishishi cheklenmigen

Riyad sheher bashliqi we yerlik saylam komitétining re'isi shahzade abdulla özining, 2009 - yili ötküzilidighan saylamda ayallarnimu qatnashturush heqqide yuqiri derijilik organlargha teklip sunidighanliqini bildürgen. Buningdin sirt yene, se'udi erebistan saylam komitétining re'isi shahzade we weli'ehdi mensür bu heqte toxtilip, esli se'udi erebistan qanunida ayallarning saylamgha qatnishishi cheklenmigenlikini, emma se'udi erebistan, ayallar bilen erlerning ayrilip turushi telep qilinidighan dölet bolghanliqi üchün, nöwette hökümet ayallarni saylamgha qatnashturimen disimu, ayallar bélet tashlaydighan saylam ponkitlirini yasashqa waqit we emgek küchi jehettin imkansiz qalidighanliqini bildürdi.

Amérika oxayo shitatining tolédo uniwérsitétidiki siyaset ilmi proféssori ren bogong, se'udi erebistanning bu qedemni bésishining asan'gha chüshmigenlikini bildürdi.

Ren bogong: bu saylamning élip bérilishida amérikining tesiri bir qeder chong

Proféssor ren bogong sözide yene, se'udi erebistanning bu qétimliq saylamni mejburiy asasta élip barghanliqini, buningda xelq'araning bolupmu amérikining bésimi bir qeder chong ikenlikini bildürdi. Uning qarishiche, amérikining iraq urushidin kéyin élip barghan bir qatar tedbirliri se'udi erebistan'gha éghir bésim bolghan we shu seweptin ular mushu yolni tallashqa mejbur bolghan.

Ziyaritimizni qobul qilghan türkiyidiki yawro-asiya istratégiye tetqiqat merkizining tetqiqatchisi doktor erkin ekrem ependi bu qétimliq saylamning ehmiyiti heqqide toxtilip, nöwette musulman döletlirining démokratik siyasiy tüzümge qarap mangghanliqini bildürdi.(Peride)

Nöwette nurghun gherb metbu'atliri, bu qétimliq saylamning uzundin buyan padishahliq tüzümini yürgüzüp kéliwatqan se'udi erebistan üchün tarixiy burulush nuqtisi hésablinidighanliqini ilgiri sürmekte. )Peride(

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet