Amérikida dölet mejlisi saylimi


2006-11-07
Share

Eger démokratlar dölet mejlisining ikki palatasining yeni ya awam palatasi yaki kéngesh palatasining béride köp sanliqni igilise, bu démokratlargha iraq qatarliq nurghun muhim mesililerde prézidént bushning pilanlirining aldini tosash imkaniyitini béridiken. Lékin aqsaray saylamning netijisining hemde iraq urushi mesiliside élip bériliwatqan ray sinash netijilirining qandaq bolushidin qet'inezer, iraqqa qaratqan siyasitining özgermeydighanliqini bildürmekte.

Ikki partiye otturisidiki detalash

Amérika mu'awin prézidénti dék chiyni yekshenbe küni i b s téléwiziyisige bergen bayanatida, köp sanliq xelq iraqtiki urushni qollimasliqi mumkin. Emma toghra ikenlikige ishen'gen siyasitimizni dawamlashturiwirimiz, dédi. Prézidént bush bolsa düshenbe küni yene 2002 - yilidiki dölet mejlisi saylimi we 2004 ‏- yilidiki prézidént saylimida ishletken sözlirini ishlitip, démokratlarni xelq'ara térrochiliqqa qarshi urushta ishen'gili bolmaydighan kishiler dep körsetti.

Siyasiy mulahizchilerning éytishiche, iraqtiki weqelerning saylamda jumhuriyetchiler üchün siyasiy bir tosalghu ikenliki éniq, shunga prézidént bush hökümiti saylam üchün élip bérilghan teshwiqat pa'aliyiti jeryanida démokratlarni teslimiyetchi dep körsitishke hemde saddam höseyinning ölüm jazasigha höküm qilin'ghanliqini amérikining iraqtiki ghelibisi qilip körsitishke tirishqan.

Démokratlar bolsa, amérika xelqi arisida iraq urushi toghrisida künséri küchiyiwatqan naraziliqtin paydilinip, jumhuriyet partiyisining amérika dölet mejlisi üstidiki siyasiy manapoliyisige xatime bérishke tirishti.

Iraqtiki weziyet bu qétimqi saylamning asasliq témisini teshkil qilghan

Iraqtiki toqunushlarning üzlüksiz dawamlishishi, iraqta ölüwatqan amérika eskerliri sanining künséri köpiyishi, prézidént bush hökümitining iraqtiki krizistin chiqish üchün hazirghiche éniq bir pilan otturigha qoymighanliqi, amérikida iraq urushigha bolghan naraziliqining künséri küchiyishige seweb bolmaqta. Iraq urushi, urushtin kéyinki iraqni qaytidin qurush üchün serp qilin'ghan pul miqdari 340 milyard dollargha yetken. Mutexessisler iraqta ottura hésab bilen her ayda 100 amérika eskiri we 4000 iraq saqchi we eskirining ölüwatqanliqini, qanchilik iraq puqrasining ölüwatqanliqining éniq emeslikini bildürmekte. Lékin mushunchilik iqtisadiy ziyan we qurbanlargha qarimay, iraqtki weziyetning yaxshlinidighanliqi heqqide héchqandaq bir bisharetning körülmigenliki hetta weziyetning téximu nacharlishish éhtimalliqining barliqi amérika xelqi ichide iraq urushigha bolghan naraziliqni téximu kücheytmekte. Shunga iraqtiki weziyet bu qétimqi saylamning asasliq témisini teshkil qilghan. Hetta bezi mutexessisler bu qétimqi saylamning iraq urushi üchün bir bahalash bolup hésablinidighanliqini bildürmekte. Awaz tashlash sanduqliri ettigen sa'et 6 de échilghan bolup, awaz bérish axsham sa'et 6 giche dawamlishidu. Saylam ishliri xadimliri we mutexessisler indiyana, ohayo, niyujirsi, kalorado we filorida shtatliridiki éléktronluq awaz bérish mashinilirida bezi mesililer chiqqanliqini bildürdi.

Bu qétimqi saylamda amérika dölet mejlisi awam palatasining 435 ezasi we kéngesh palatasining 33 ezasi hemde 33 shtatning waliyliri saylap chiqilidu. Eger saylamda démokratlar ghelbe qilsa, bu ularning 1994‏- yilidin béri tunji qétim dölet mejliside köp sanliqni igilishi bolup hésablinidiken. Démokratlarning dölet mejlisi awam palatasida köp sanliqni igilishi üchün 15 orun we kéngesh palatasida kontrolluqni qolgha keltürüsh üchün 6 qoshumche orun'gha ige bolushi kérek iken. (Qanat)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet