Shiwétsiyi'e Uyghur komitéti teshkilatchilirining biri sha'ire bibinur muhemmet wapat boldi

Shiwétsiye Uyghur komitéti teshkilatchilirining biri bolghan tirishchan siyasiy pa'aliyetchi, sha'ire bibinur xanim késel sewebi bilen stokholimda 53 yéshida wapat boldi.
Muxbirimiz yalqun
2010-01-22
Share
Bibinur-xanim-namayishta-305.jpg Süret, shwétsiye uyghur komitéti teshkilatchilirining biri bolghan tirishchan siyasiy paaliyetchi, shaire bibinur xanim shwétsiye xitay elchixanisining aldida ötküzülgen namayishlarning biride.
RFA Photo / Yalqun

Bibinur xanim 1957 - yili 11 - ayning 14 - küni qazaqstanning almata shehiride tughulghan bolup, uning ata - aniliri burundin shu yerde yashap kiliwatqan yerlik Uyghurlardin idi. Bi'ibinur xanim almata sultan qorghandiki  101 - Uyghur mektipide, kiyin almata téxnika institotida oqughan bolup, söwét ittipaqi dewride fabrikida inzhiénér bolup ishligen. 1999 - Yili shiwétsiyige kélip olturaqliship qalghan.

Bibinur xanim hayat waqitda tirishchan , weten süyer, xelq süyer ayal bolup, shiwétsiyide pa'aliyet élip bériwatqan siyasi teshkilatlarning pa'aliyetlirige aktip ishtirak qilghandin sirt, öz aldigha Uyghurlarni tonushturush kurslirini uyushturup, Uyghurlargha qiziqidighan we Uyghurlarni chüshinishni xalaydighan shiwétlargha mexsus programilar buyiche léksiyiler bergen.

Merhumni yéqindin bilidighan we shiwétsiye Uyghur komitétining xizmetliride merhum bilen birge xizmette bolghan mahinur xanim merhumni eslep ötti.

Bibinur xanim öz nöwitide yene nurghun shé'irlarni yazghan bolup, shé'irlirida ipadilen'gen weten'ge bolghan séghinish hésiyatliri jama'et arisida qizghin alqishlargha sazawer bolghan.

Merhum "weten'ge salam" dégen shé'irida mundaq dégen idi:

Lepildigen kök bayraqni ,
Wetinimge asqum kélidu.
Yiraqtiki shu élimni,
Qarawul bop baqqum kélidu.

Yuqiridiki awaz ulinishidin, bu heqtiki melumatimizning tepsilatini anglaysiler.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.