Shangxey hemkarliq teshkilatigha eza döletlerning ürümchide ötküzgen yighini jüme küni axirlashti

Shangxey hemkarliq teshkilatigha eza döletlerning herbiy mutexesislirining, mushu yili awghust éyida rusiyide ötküzülidighan térrorchiliqqa qarshi herbiy manéwrning teyyarliq xizmetliri heqqide ürümchide ötküzgen meslihet yéghini jüme küni axirlashti.

Xewerlerge qarighanda töt kün dawamlashqan bu yéghin jeryanida shangxey hemkarliq teshkilatigha eza 6 döletning herbiy xadimliriherbiy maniwérni qandaq élip bérish , manéwér jeryanida ishlitilidighan qorallar we herbiy qatnash wasitiliri mesilisini muzakire qilghan.

Aldimizdiki awghust éyida rusiyining ural taghliridiki chilyabinsng rayonida élip bérilidighan térrorchiliqqa qarshi bu herbiy maniwérgha xitay, rusiye, qazaqistan, qirghizistan, özbékistan we tajikistan herbiy qisimliri qatnishidiken.

1996‏- Yili xitay bilen ottura a'isya döletliri we rusiye arisidiki chégra we tamozhna mesililirini bir terep qilish üchün qurulghan shangxey 6 dölet guruppisi, barghanséri pa'aliyet da'irisini kéngeytip, xitay we rusiyining küch chiqirishi bilen herbiy bir ittipaqqa aylanmaqta.

Xewerlerge qarighanda, xitay we rusiye bu teshkilattin, özlirining ottura asiyadiki herbiy we siyasiy tesirini kücheytish üchün bir qoral süpitide paydilinishqa bashlighan bolup, xitay hökümiti shangxey hemkarliq teshkilatning ramkisi ichide Uyghur pa'aliyetchilirining ottura asiyadiki heriketlirini basturush üchün ottura asiya döletliri bilen nurghunlighan kélishimler imzalighan. (Ömer qanat)