Шәрқий түркистан бирлики тәшкилати германийиниң көлин шәһиридә тәшвиқат паалийәт елип барди


2008.02.26

Мушу айниң 23 - күни шәрқий түркистан бирлики тәшкилати билән әзәрбәйҗан тәшкилатлири 1992 - йили 25 - февралда әзәрбәйҗан җумһурийитиниң қарабағ вилайитидә йүз бәргән коллектип қәтлиам вә 1997 - йили 5 - февралда вәтинимиз шәрқий түркистанда йүз бәргән 5 - феврал ғулҗа вәқәсини хатириләш мунасивити билән германийиниң көлин шәһиридә бирликтә хатириләш паалийити елип барди.

Шәрқий түркистан бирлики тәшкилати рәиси күрәш атаханниң билдүрүшичә, әрминийә 1992 - йили 25 - февралда әзәрбәйҗан җумһурийитиниң қарабағ вилайитигә һуҗум қилип 613 тин артуқ адәмни өлтүргән. Әсли бу паалийәт әзәрбәйҗан тәшкилатлири тәрипидин мәзкур вәқәни хатириләш үчүн тәшкилләнгән болуп, шәрқий түркистан бирлики тәшкилатиму мушу пурсәттин пайдилинип в с д пластинкилири, журнал вә баянатнамә қатарлиқ һәр хил тәшвиқат материяли тарқитип, шәрқий түркистан хәлқи дуч кәлгән миллий зулум, ирқий вә иқтисадий кризисларни герман, түрк хәлқлиригә һәмдә башқа саяһәтчиләргә аңлитип үнүмлүк нәтиҗиләргә еришкән.

юқиридики улиништин, мухбиримиз җүмәниң күрәш атихан әпәнди билән бу һәқтә өткүзгән сөһбитини аңлиғайсиләр.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.