Sherqiy türkistan birliki teshkilati gérmaniyining kölin shehiride teshwiqat pa'aliyet élip bardi


2008-02-26
Share

Mushu ayning 23 - küni sherqiy türkistan birliki teshkilati bilen ezerbeyjan teshkilatliri 1992 - yili 25 - féwralda ezerbeyjan jumhuriyitining qarabagh wilayitide yüz bergen kolléktip qetli'am we 1997 - yili 5 - féwralda wetinimiz sherqiy türkistanda yüz bergen 5 - féwral ghulja weqesini xatirilesh munasiwiti bilen gérmaniyining kölin shehiride birlikte xatirilesh pa'aliyiti élip bardi.

Sherqiy türkistan birliki teshkilati re'isi küresh ataxanning bildürüshiche, erminiye 1992 - yili 25 - féwralda ezerbeyjan jumhuriyitining qarabagh wilayitige hujum qilip 613 tin artuq ademni öltürgen. Esli bu pa'aliyet ezerbeyjan teshkilatliri teripidin mezkur weqeni xatirilesh üchün teshkillen'gen bolup, sherqiy türkistan birliki teshkilatimu mushu pursettin paydilinip w s d plastinkiliri, zhurnal we bayanatname qatarliq her xil teshwiqat matériyali tarqitip, sherqiy türkistan xelqi duch kelgen milliy zulum, irqiy we iqtisadiy krizislarni gérman, türk xelqlirige hemde bashqa sayahetchilerge anglitip ünümlük netijilerge érishken.

Yuqiridiki ulinishtin, muxbirimiz jümening küresh atixan ependi bilen bu heqte ötküzgen söhbitini anglighaysiler.

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet