"Sherqiy türkistan tarixi" ning erebche terjimisi neshirdin chiqti

Yéqinda se'udi erebistanida, muhemmed emin bughraning " sherqiy türkistan tarixi" ning erebche terjimisi neshirdin chiqti.
Muxbirimiz ömerjan toxti
2008-09-24
Share
sherqiy-turkistan-305.jpg " Sherqiy türkistan" namliq bu eserning türkche terjimisining muqawisi.
RFA Archive

Bu eserni mekke mukerreme shehiride turushluq tonulghan alim we yazghuchi muhemmed qasim hajim terjime qilip, neshirge teyyarlap, öz xirajiti bilen basturghan. Muhemmed qasim hajim bu heqte söhbitimizni qobul qilghan idi.

Muhemmed qasim hajim bilen söhbet

Muhemmed qasim hajim bu eserni terjime qilishqa türtke bolghan sewebler heqqide toxtulup mundaq didi: " 1985 - yilliri se'udi erebistanining qral abdul'eziz uniwérsitétida oquwatqan bir qanche neper oqughuchi mendin " sherqiy türkistan tarixi" ni ereb tiligha terjime qilishni telep qildi. Ulargha bu ishni emelge ashuralishim üchün özümge ishench qilalmaywatqanliqimni, her halda oylunup béqishim kéreklikini éytqan idim. Kéyinche merhum doktor abdulqadir tash bashchiliqidiki Uyghur ziyaliliri yene bu mawzuni achti we méning bu eserni choqum terjime qilishim kéreklikini ötünüp, "biz ana wetenning sirtida tughulghanlar Uyghur tilini qanche tirishsaqmu silidek bilelmeymiz, shunga bu wezipini silidek ana tilni yaxshi bilidighan kishiler üstige élishi kérek" didi. Shuningdin kéyin men bu kitabni terjime qilishqa bel baghlidim. Shundaq qilip bu kitabni sekkiz ayda terjime qilip bolghan idim. Kitabni ruxsitini élip bolghan bolsammu iqtisadiy sewebler tüpeyli waqtida basturalmighan idim. Emdi mana bu kitabni 500 nusxa basturdum"

 Bu kitabni tonushturush

" Sherqiy türkistan" namliq bu eser 1998 - yili ereb tiligha terjime qilinip bolghan bolsimu, her xil sewebler tüpeyli terjime qilinip saq 10 yildin kéyin neshir qilinip tarqitilghan. Kitab se'udi erebistani hökümitining mexsus ruxsiti bilen hökümet metbe'eside bésilghan. Kitabning hejmi 950 bet bolup, nahayiti ésil qeghezge bésilghan. Kitab muhemmed qasim hajimning öz xirajiti bilen bésilip heqsiz tarqitilmaqta.


Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet