Türkiyining "yawropa - asiya birliki wehpi" de sherqiy türkistan heqqide yighin échildi
2008.02.25
2008 - Yili 2 - ayning 23 küni istanbul shehride, türkiyining "yawrupa - asiya birliki wehpi" "sherqi türkistanning heqiqetì" témisida yighin uyushturdi. Yighin "yawropa - asiya birliki wehpi" ning istanbul küchük chekmeji rayonidiki merkizining yighin zalida ötküzüldi.
Yighin'gha dunya Uyghur qurultiyining mu'awin bashliqi, sherqiy türkistan medeniyet we hemkarliq jemiyitining bashliqi séyit tümtürk ependi alahide teklip bilen qatnashti, sherqiy türkistan medeniyet we hemkarliq jemiyitining enqere shöbe bashliqi xeyrullah efendigil ependi, sherqiy türkistan ma'arip we hemkarliq jem'iyiti mes'ul - xadimliri, ezerbeyjan jem'iyiti mes'ulliri, "yawropa - asiya birliki wehpi" ning mes'ul xadimliri, türkiye yéshil ay jem'iyitining mes'ulliri, Uyghurshunaslar, yazghuchi, proféssorlar bolup 200 din artuq kishi ishtirak qildi.
Yene bir tereptin yighin zalining aldida sherqiy türkistan resim körgezmisi échildi. Körgezmide xitay saqchilirining Uyghur yashlirini türmide qiynap, burnigha laza quyuwatqan, béshigha soghuq su quyup muzlitiwatqan zulum - ishkenjiliri ipadilen'gen resimler yighin'gha qatnashquchilarning alahide diqqitini tartti. Yighin'gha merhum eysa yüsüp aliptékinning oghli arslan aliptékin ependi riyasetchilik qildi.
Yighinda sherqiy türkistan we Uyghurlarning tarixi we hazirqi weziyiti tonushturulghan 30 minutluq höjjetlik filim körsitilgendin kéyin "yawrupa - asiya birliki wehpi" ning bashliqi shaban gülbahar, dunya Uyghur qurultiyining mu'awin bashliqi séyit tümtürk ependi, arslan aliptékin qatarliq shexsler söz qildi. Séyit tümtürk ependi yighin'gha qatnashquchilarning sherqiy türkistan heqqide sorighan so'allirigha jawab berdi.
Yighin axirida arslan aliptékin ependi "yawrupa - asiya birliki wehpi" bashliqi shaban gülbahar ependige bu yighinni uyushturghanliqigha teshekkür bildürdi hemde dadisi eysa yüsüp aliptékinning hayat - kechürmishliri yézilghan kitabni teqdim qildi. Shaban gül ependi kitabni qoligha élip, merhum eysa yüsüp aliptékinning " 90 yashqa kirdim ikki közümdin ayrildim. Emma qelbimdiki mujadile qilish we sherqi türkistanning musteqilliqini körüsh irademdin héchqachan ayrilmidim" dégen sözini eslitip ötti.
Shaban'gül ependi dunya Uyghur qurultiyining mu'awin bashliqi séyit tümtürk ependige, türk dunyasi medeniyitige qoshqan töhpisige minnetdarliqini ipadilep "yawrupa - asiya birliki wehpi" ning sherep taxtisini teqdim qildi.
Biz yighin axirlashqandin kéyin séyt tümtürk ependi bilen söhbet élip barduq. (Arslan)
Munasiwetlik maqalilar
- Türkiyediki sherqiy türkistan teshkilatliri xitayning béyjing olimpik yighinining bixeterlikini sherqiy türkistanchilargha baghlighanliqini qattiq eyiplidi
- Xitay béyjing olimpik yighinining bixeterlikini sherqiy türkistanchilargha baghlidi
- Wang léchüen: shinjangda mesile tügimeydu
- Xitay tashqi ishlar bayanatchisi ürümchide yüz bergen 27 -yanwar toqunushi üstide toxtaldi
- Yazghuchi "muhemmed rohi Uyghur" ning hayat kechürmishliri
- Uyghur sen'itining ijadiyliqi we milliy xasliqi toghrisida doktor qahar barat bilen söhbet
- Xongkong "shingdaw " géziti: ürümchide sherqiy türkistanchilardin 10 nechchisi étip öltürülgen
- Türkistan dawasining péshiwaliridin biri - mustafa chuqay
- Tajikistanliq alim sherqiy türkistan islam jumhuriyiti heqqide kitab yazdi
Köp körülgen xewerler
RFA
- Mutexessisler:“Xitaygha xushxewer bolghan ishlar Uyghurlar üchün shum xewerdur”
- “Shinjang wekilliri” “Dölet ortaq til-yéziqi qanuni” gha özgertish kirgüzmekchi
- En'gliyelik yutubér körgen taqaqliq meschitler we roza tutush cheklen'gen Uyghurlar weziyiti diqqet qozghidi
- Közetküchiler: “Xitayning Uyghur élidiki islahat pilani Uyghurlarni emes, belki xitayning özini bay qilidu”
- Xitaygha qayturulghan Uyghurlarni “Yoqlash” qa mangghan tayland wekiller ömiki agahlanduruldi