Түркийидә 'шәрқий түркистанда немиләр болуватиду? ' намлиқ йиғин өткүзүлди

Түркийиниң хоҗаили шәһиридә хоҗаили айдинлар оҗағи җәмийитиниң уюштуруши билән асия меһманханисида, 'шәрқий түркистанда немиләр болуватиду? ' намлиқ йиғин өткүзүлди.
Мухбиримиз арислан
2009.11.12
Share on WhatsApp
Share on WhatsApp
Dr-Maxmut-qeshqeri-yighinda-305.jpg Сүрәт, түркийиниң хоҗаили шәһиридә хоҗаили айдинлар оҗағи җәмийитиниң уйуштуруши билән өткүзүлгән 'шәрқий түркистанда немиләр болуватиду?' намлиқ йиғин қатнашқучилиридин бир көрүнүш.
RFA Photo / Arslan

Йиғинға хоҗаели дәринҗә шәһәр башлиқи әзиз аләмдар, бурса мустафакамалпаша шәһәр башлиқи сади қуртулан, бәкирпаша шәһәр башлиқи абдуллаһ көктүрк, адаләт вә тәрәққият партийиси хоҗаили шөбисиниң муавин башлиқи һәсән аяз, хоҗаили йөрүкләр җәмийити рәиси мәһмәт өзәр,хоҗаили шәһәрлик ташқи ишлар мәсули йүксәл өздәмер қатарлиқ көп санда киши қатнашти.

Бу йиғинға асаслиқи шәһәр башлиқлири, аммивий тәшкилат мәсуллири, доктор, профессорлар, язғучи вә оқутқучилар тәклип билән қатнашқан болуп йиғин наһайити җиддий бир кәйпият ичидә ахирлашти.

Йиғинға шәрқий түркистан вәхпиниң рәис вәкили профессор солтан мәһмут қәшқәрли вә баш катип һамут көктүрк әпәндиләрму тәклип билән қатнишип йиғинда уйғурлар вә шәрқий түркистан мәсилиси һәққидә сөз қилди.

Хоҗаели гезитиниң 2009 ‏ - йили 11‏ - айниң 8 ‏ - күнидики санида билдүрүшичә, йиғин истиқлал марши оқуш билән башланди. Йиғинда хоҗаили айдинлар оҗағи җәмийтиниң рәиси аһсән окяр әпәнди ечилиш нотиқи сөзлиди.

Аһсән окяр әпәнди бу қетимқи йиғинниң асаси мәқсити һәққидә тохтилип мундақ дегән: "шәрқий түркистанда қериндашлиримиз яшаватиду, әмма түрк инсанларниң күн тәртипидә шәрқий түркстан йоқ. Кишиләр шәрқий түркистанниң қәйәрдә икәнликини хәритидинму көрситәлмәйду. Кишиләр қутадғубиликниң муәллипи йүсүп хас һаҗип, түркий тиллар диваниниң муәллипи мәһмут қәшқирийни яхши билиду, әмма улар яшиған тупрақлардин хәвәрсиз. 1950 ‏ - Йилидин етибарән һәр бәш йилда бир тоқунуш вәқәсигә шаһид болған шәрқий түркистан кочилирида қәтлиам йүз беридиған, қанлар ақидиған бир җуғрапийигә айланди. Шәрқий түркистанни билиш вә униңға көңүл бөлүш бизниң мәҗбурийитимиз."

Йиғинда йәнә, шәрқий түркистан вәхпиниң рәис вәкили профессор солтан мәһмут қәшқәрли вә баш катип һамут көктүрк әпәндиләрму сөз қилип йиғин иштиракчилириға уйғурлар вә шәрқий түркистан мәсилисиниң қисқичә тарихи вә йеқинқи вәзийәтлири һәққидә мәлумат бәргән.

Йиғин ахирида хоҗаили айдинлар оҗағи тәрипидин профессор доктур султан мәһмут қәшқәрли вә баш катиб һамут көктүрк әпәндиләргә, йиғинға қатнашқанлиқиға тәшәккүр билдүрүп шәрәп гуваһнамиси тәқдим қилинди.

Түркийиниң хоҗаели шәһири, измит шәһири дәпму атилиду.
 
Биз бу йиғин һәққидә толуқ мәлуматқа еришиш үчүн, йиғинда сөз қилған шәрқий түркистан вәхпиниң баш катипи һамут көктүрк әпәнди билән сөһбәт елип бардуқ.

Юқиридики аваз улинишидин, бу һәқтики мәлуматимизниң тәпсилатини аңлайсиләр.
 
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.