Türkiyide 'sherqiy türkistanda némiler boluwatidu? ' namliq yighin ötküzüldi

Türkiyining xoja'ili shehiride xoja'ili aydinlar ojaghi jem'iyitining uyushturushi bilen asiya méhmanxanisida, 'sherqiy türkistanda némiler boluwatidu? ' namliq yighin ötküzüldi.
Muxbirimiz arislan
2009.11.12
Share on WhatsApp
Share on WhatsApp
Dr-Maxmut-qeshqeri-yighinda-305.jpg Süret, türkiyining xojaili shehiride xojaili aydinlar ojaghi jemiyitining uyushturushi bilen ötküzülgen 'sherqiy türkistanda némiler boluwatidu?' namliq yighin qatnashquchiliridin bir körünüsh.
RFA Photo / Arslan

Yighin'gha xoja'éli derinje sheher bashliqi eziz alemdar, bursa mustafakamalpasha sheher bashliqi sadi qurtulan, bekirpasha sheher bashliqi abdullah köktürk, adalet we tereqqiyat partiyisi xoja'ili shöbisining mu'awin bashliqi hesen ayaz, xoja'ili yörükler jem'iyiti re'isi mehmet özer,xoja'ili sheherlik tashqi ishlar mes'uli yüksel özdemér qatarliq köp sanda kishi qatnashti.

Bu yighin'gha asasliqi sheher bashliqliri, ammiwiy teshkilat mes'ulliri, doktor, proféssorlar, yazghuchi we oqutquchilar teklip bilen qatnashqan bolup yighin nahayiti jiddiy bir keypiyat ichide axirlashti.

Yighin'gha sherqiy türkistan wexpining re'is wekili proféssor soltan mehmut qeshqerli we bash katip hamut köktürk ependilermu teklip bilen qatniship yighinda Uyghurlar we sherqiy türkistan mesilisi heqqide söz qildi.

Xoja'éli gézitining 2009 ‏ - yili 11‏ - ayning 8 ‏ - künidiki sanida bildürüshiche, yighin istiqlal marshi oqush bilen bashlandi. Yighinda xoja'ili aydinlar ojaghi jem'iytining re'isi ahsen okyar ependi échilish notiqi sözlidi.

Ahsen okyar ependi bu qétimqi yighinning asasi meqsiti heqqide toxtilip mundaq dégen: "sherqiy türkistanda qérindashlirimiz yashawatidu, emma türk insanlarning kün tertipide sherqiy türkstan yoq. Kishiler sherqiy türkistanning qeyerde ikenlikini xeritidinmu körsitelmeydu. Kishiler qutadghubilikning mu'ellipi yüsüp xas hajip, türkiy tillar diwanining mu'ellipi mehmut qeshqiriyni yaxshi bilidu, emma ular yashighan tupraqlardin xewersiz. 1950 ‏ - Yilidin étibaren her besh yilda bir toqunush weqesige shahid bolghan sherqiy türkistan kochilirida qetli'am yüz béridighan, qanlar aqidighan bir jughrapiyige aylandi. Sherqiy türkistanni bilish we uninggha köngül bölüsh bizning mejburiyitimiz."

Yighinda yene, sherqiy türkistan wexpining re'is wekili proféssor soltan mehmut qeshqerli we bash katip hamut köktürk ependilermu söz qilip yighin ishtirakchilirigha Uyghurlar we sherqiy türkistan mesilisining qisqiche tarixi we yéqinqi weziyetliri heqqide melumat bergen.

Yighin axirida xoja'ili aydinlar ojaghi teripidin proféssor doktur sultan mehmut qeshqerli we bash katib hamut köktürk ependilerge, yighin'gha qatnashqanliqigha teshekkür bildürüp sherep guwahnamisi teqdim qilindi.

Türkiyining xoja'éli shehiri, izmit shehiri depmu atilidu.
 
Biz bu yighin heqqide toluq melumatqa érishish üchün, yighinda söz qilghan sherqiy türkistan wexpining bash katipi hamut köktürk ependi bilen söhbet élip barduq.

Yuqiridiki awaz ulinishidin, bu heqtiki melumatimizning tepsilatini anglaysiler.
 
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.