Se'udi erebistandiki meripetperwer zat qurban abdulla hajim wapat boldi
2007.12.17
Se'udi erebistandiki Uyghurlarning péshqedemliridin bolghan qur ban abdulla hajim 2007- yili 15- dékabir küni se'udi erebistanning mekke mukerreme shehiride 84 yéshida wapat boldi. Merhumning namizi shu küni péshin namizidin kéyin meschid heremde oqulup, mekkidiki " mu'ella" qebristanliqigha depne qilindi.
Merhumning küy'oghli bilen söhbet
Merhum qurban abdulla hajimning küy'oghuli doktor abdul eziz abdusattar qéyin atisi heqqide mundaq dédi:" rehmetlik atimiz qurban hajimgha allahtin köp rehmet we jennet tileymiz. Shundaqla öz dinini we jénini qoghdash yolida ana wetendin ayrilip musapirliq kochisigha chüshüshke mejbur bolghan we ana wetinining teshnaliqigha qanalmay musapirliqta alemdin ötken Uyghur muhajir qérindashlirimizgha allahtin meghpiret tileymen."
Merhumning qisqiche terjimihali
Doktor abdul eziz yene mundaq dédi: " merhum atimiz qurban hajim bügün 84 yéshida alemdin ötti. Bu kishimu xuddi bashqa Uyghur muhajirlirigha oxshash wetinidin hijret qilishqa mejbur bolghan bolup, axirqi panahgahi mekke mukerreme shehiri bolghan idi.
Merhum Uyghurlarning ishlirigha nahayiti köngül böletti. Merhum atimiz 1923 - yili qeshqer yéngisher nahiyiside dunyagha kelgen bolup, eyni waqitta mu'ellimlik xizmitini qilghan we 1948 - yili bir türküm Uyghur qérindashliri bilen birlikte wetinidin ayrilip bu jaygha kelgen iken."
Merhumning se'udi erebistandiki hayati
Doktor abdul ezizning éytishiche, merhumning se'udi erebistandiki hayati japa bilen bashlan'ghan bolup, kéyinki waqitlarda tijaret yoli bilen béyighan iken. U xeyr - saxawet ishlirini, bolupmu Uyghurlargha yardem qilishni yaxshi köridighan kishi bolup, 1997- yili qeshqer wilayiti yéngisher nahiyisidiki özi burun oqutquchiliq qilghan birinchi bashlan'ghan mektipini qayta sélip chiqqan we uninggha texminen 200 ming amérika dolliri etrapida pul serp qilghan iken.
Merhum 4 qiz, 4 oghul, jemi 8 balining atisi bolup, se'udi erebistanning mekke mukerreme shehride istiqamet qilatti. ( Ömerjan)
Munasiwetlik maqalilar
- Osman batur romani türkiyide neshir qilindi
- Inqilabiy sha'ir abdul'eziz mexsumning "hesret" namliq shé'ir toplimi heqqide
- Abdul eziz chinggizxan damollamning "türkistan asiyaning qelbi" namliq esiri heqqide
- Büyük inqilabchi alim muhemmed emin islamiy
- Sowétler ittipaqi dewridiki Uyghur ziyaliylirining namayendisi abdulla rozi baqéyif toghrisida söhbet (2)
- Sowétler ittipaqi dewridiki Uyghur ziyaliylirining namayendisi abdulla rozi baqéyif toghrisida söhbet (1)
- Almatada neshr qilin'ghan " Uyghur zéminida " namliq kitabta némiler bayan qilin'ghan? (2)
- Almatada neshr qilin'ghan " Uyghur zéminida " namliq kitabta némiler bayan qilin'ghan? (1)
- Sabit damollamning kitabi türkiyide neshir qilindi
- Merhum turghun almasning axiretliki qandaq ötken?
- Merhum tarixshunas turghun almasni esleymiz
- Yaponiye impériyisi toplighan Uyghurlar heqqidiki matériyallar (2)
Köp körülgen xewerler
RFA
- Memet éziz sadiq türkiye sotida xitay üchün jasusluq qilish jinayiti bilen eyiblinip 12 yilliq qamaqqa höküm qilin'ghan
- Türkiye soti tunji qétim, erkin abduweli isimlik Uyghurni xitaygha qayturup bérish qararini élan qildi
- Qeshqer peyziwatta ahaliler roza tutmaywatqanliqi heqqide mes'ul kadirlargha ispat yollashqa mejburlan'ghan
- Firansiye metbu'atliri: xitayning dilnur reyhan üstidin erz qilishi edliye jehettin parakendichilik sélishtur
- Yawropa parlaménti taylandning Uyghurlarni xitaygha qayturghanliqigha qarshi qarar layihesi maqullidi