Хәлқара инсан һәқлири күни мунасивити билән шиветсийидә намайиш
2007.12.10
10 - Декабир хәлқаралиқ инсан һәқлири күни болуп, 1948 - йили бирләшкән дөләтләр тәшкилатиға әза дөләтләрниң баш қошуши билән инсан һәқлири хитабнамиси 48 авазниң қоллиши, 8 авазниң һоқуқидин ваз кечиши билән һечқандақ қарши авазниң болмаслиқидәк мутләқ үстүнлүк билән мақулланған иди.
Худди инсан һәқлири хитабнамисиниң биринчи бабида "дуняға барлиқ инсанлар әркин, тәң қиммәттә, охшаш һоқуқ билән туғулиду" дәп көрситилгинидәк бирләшкән дөләтләр тәшкилати дунядики мустәбит, диктатор һакимийәт астида тәңри ата қилған тәбиий әркинлики вә һоқуқидин мәһрум яшаватқан хәлқләрниң өз әркинлики вә һоқуқини тонушиға пурсәт яритип бериши үчүн бу күнни хатириләп, 10 - декабирни "хәлқаралиқ инсан һәқлири күни" қилип бекиткән иди.
10 - Декабир шиветсийидә яшаватқан хәлқләр үчүн пәқәт "хәлқаралиқ инсан һәқлири күни" болупла қалмай йәнә, дунядики бүйүк мукапат "нобел мукапати"ниң игиси болған "нобел күни"дур. Бу күни шиветсийә хан җәмәти пәнләр академийиси қармиқидики нобел мукапатини баһалаш комитети, нобел мукапати фонди җәмийити вә шиветсийә хан җәмәтиниң орунлаштуруши билән 3 миң киши қатнашқан дағдуғулуқ мурасим өткүзүп,нобел мукапатиға еришкүчи шәхисләрни мукапатлайду. Мукапат медалини шиветсийә падишаһи карил гостав 16 өз қоли билән тарқитиду.
10 - Декабир бу бүйүк алим нобелниң вапат болған қайғу күни болуп, бу күнни шиветсийидә яшаватқан хәлқләр һәр хил паалийәтләр билән күтүвалиду. Уйғурлар 10 - декабирда актип паалийәт елип бериватқан хәлқләрниң бири болуп,һәр йили дуня уйғур қурултийиниң орунлаштуруши билән хитай һөкүмитиниң инсан һәқлири дәпсәндичиликлиригә қарши өз наразилиқлирини ипадиләп кәлмәктә.
Бүгүнки күн ямғурлуқ күн болсиму, шиветсийидики уйғурлар вә моңғуллар бирлишип, садалар ичидә, хитай һөкүмитигә болған наразилиқлирини ипадилимәктә. Намайиш саәт 12 дә башланған болуп,са әт 2 дә ахирлашмақчи. Хитай һөкүмити тәрипидин дәпсәндә болуватқан уйғурларниң паҗиәсини өз бешидин өткүзгән уйғурлар намайиш шәкли билән хитай һөкүмитигә болған ғәзәплирини ипадилимәктә. (ялқун)
Мунасивәтлик мақалилар
- Германийидики уйғурлар дуня кишилик һоқуқ күнини мийонхен хитай әлчиханиси алдида хатирилиди
- Рабийә ханим "бирла инқилаб - явропа үчүн зоравансиз лайиһә - либераллиқ " йиғиниға қатнашти (1)
- 16 - Қетимлиқ чегрисиз мухбирлар мукапати парижда тарқитилди
- Хитай зиялийлар " әмгәк билән өзгәртиш" түзүмини бикар қилиш тоғрулуқ очуқ хәт язди
- Хефей топчи қисимлар иниститотида йүз бәргән оқуғучилар һәрикитиниң нишани сахта унванға қарши туруш
- Биңтүән - уйғур ели ичидики мустәқил империйә (1)
- " Хитай һөкүмити инсанийәт тарихидики җинайи қилмиши әң еғир һоқуқдарлар гуруһидур"
- Америка билән хитайдики пәрқләрни билишкә қизиққучилар үчүн учурлар (2)
- Турпандики намайиш йәнә давамлашмақта
- Саркозий кишилик һоқуқи вә хәлқ пули мәсилисидә ху җинтавға нәсиһәт бәрди
- Қирғизистан өктичилириниң наразилиқ һәрикити көпәймәктә
- яху интернет ширкити, америка дөләт мәҗлиси вә ши тавниң аилисидин әпу сориди