Shiwétsiyide "umid yultuzi"2 namida chatma pa'aliyet élip bérildi

7 - Ayning 3 - küni stokholimda "Uyghurstan" putbol komandisi bilen norwigiye Uyghur yashliri komandisi otturisida bir meydan dostluq musabiqisi bolup ötti. Bu ikki dölettiki Uyghur putbol komandilirining yilda bir qétim élip bérilidighan dostluq musabiqisi aldinqi yili norüwigiyidiki Uyghur komandisining sahipxanliqida bashlan'ghan bolup, bu yil shiwétsiyidiki "Uyghurstan" putbol komandisi sahipixanliqni üstige alghan.
Ixtiyari muxbirimiz yalqun
2010-07-05
Élxet
Pikir
Share
Print

Ay yultuzluq kök bayraqqa simwol qilin'ghan kiyim kiygen qizlarning bashlash usuli bilen meydan échildi. Arqidin küresh kösen ijadiytidiki "sherqi türkistan marshi"ning sadaliri ichide ikki dölet komandiliri meydan'gha kirip keldi.

Musabiqe daghdugha, hayajan we qizghin keypiyat ichide bashlandi. Dostane, emma jiddiy we keskin halette top oynawatqan ezimetlerning maharetliri top körermenlirini hayajan'gha salghan idi.

Musabiqini körüshke shiwétsiyidiki Uyghurlardin sirt norwigiyidiki top mestaniliri, dunya Uyghur qurultiyining mu'awin re'isi semet abla, yashla bölümining bashliqi gheyur qurban qatarliqlarmu shtirak qildi. Gheyur ependi musabiqe kürüwétip hayajénini ipadilidi.

Bügünki musabiqining sahipxanliqini üstige alghan "Uyghuristan" komandisining asasi bir qanche yillar ilgiri bashlan'ghan bolup, bu komanda bir qanche yildin béri yilda bir qétim ötküzilidighan milletler putbol musabiqisige qatniship kiliwatqan idi. Bu komanda bu yil shiwétsiye putbol jem'iyiti teripidin resmiy en'ge élinip, putbol komandilirining pesillik aylanma musabiqisining töwen derijilikler guruppisida musabiqige qatnashmaqta. "Korpén longqisi" namidiki bu guruppi'ida jem'i 8 komanda bolup "Uyghuristan" komandisi 7meydan musabiqide 46 top kirgüzüp yéngilmes komanda namida bu guruppida - 1 orunda turmaqta.

http://www4.idrottonline.se/templates/PageWide.aspx?id=461970

Kechte shiwétsiye Uyghur komitéti we shiwétsiye ma'arip uyushmisining sahipxanliqida putbol komandisidiki ezalarni mukapatlash, shiwétsiye döletlik komandiliri namida her xil xelq'araliq musabiqilerge qatniship mukapatlargha érishken chélish mahiri, shahmat mahirilirini tonushtu'ush we birleshme köngül échish pa'aliyiti élip bérildi.

Yuqiridiki ulinishtin bu progirammining tepsilatini anglighaysiler.
Toluq bet