Шәрқий түркистан мәдәнийәт вә һәмкарлиқ җәмийити әнқәрә шөбиси мукапатланди


2006-07-31
Share
Шәрқий түркистан мәдәнийәт вә һәмкарлиқ җәмийити әнқәрә шөбиси башлиқи һәйруллаһ әфәндигил әпәнди мукапат алғанда сөз қилмақта.

7-Айниң 30-куни әнқәрәдики алдино меһманханисида мукапатлаш мурасими өткүзүлди. Мурасимда шәрқий түркистан мәдәнийәт вә һәмкарлиқ җәмийити әнқәрә шөбисиму мукапатланди. Бу мукапат түркийидә 17 йилдин буян нәср қилиниватқан бүйүк анадолу гезити, йәни бүйүк анатолийә гезити тәрипидин тәсис қилинған болуп, мувапиқйәтлик вә тоғра истил билән хизмәт қилип кәлгән шәһәрлик вә йәрлик һокумәтләргә, ширкәтләргә, аммиви тәшкилатлар вә мәктәпләргә берилидикән.

Әнқәрәдики алдино меһманханисида өткүзүлгән мурасимға түркийиниң һәрқайси йәрлиридин кәлгән коп санда киши қатнашти. Шәрқий түркистан мәдәнийәт вә һәмкарлиқ җәмийити әнқәрә шөбисигә берилгән мукапати шөбә башлиқи хайруллаһ әфәндигил әпәнди алди.

Бүйүк анадолу гезитиниң игиси бәхтияр өзгүр әпәнди мукапатлаш мурасимида бу мукапатни тарқитиштики мәқсәт үстидә тохтилип мундақ деди:

Анатолийәдики һәр қатлам һөкүмәт башлиқлиқиға, аммиви тәшкилатларға, иш адәмлиригә дурус иш қилғанлиқи шундақла мувапиқийәтлири үчүн шәрәп мукапати бәрдуқ. Биз бүгүн җәми 41 орун вә шәхскә мукапат бәрдуқ. Биз бу мукапатни бериштин бурун бир комиссийон қуруп узун вақит түркийидики һәрқайси қурулуш вә шәхисләрниң хизмәтлири һәққидә музакирә елип бериш арқилиқ юқиридики орун вә шәхсләрни бекитип чиқтуқ.

Бәхтияр өзгүр әпәнди шәрқий түркистан мәдәнийәт вә һәмкарлиқ җәмийити әнқәрә шөбисигә мукапат беришниң сәвәби үстидә тутулуп мундақ деди:

Һәммдин авал биз түркликни сөйимиз. Уйәрдә түрк қериндашлиримиз езилсә мән бу йәрдә туруп қандақму раһәттә яшиялаймән. Шәрқий түркистан мәдәнийәт вә һәмкарлиқ җәмийити шәрқий түркистандики қериндашлиримизниң дәрдини аңлитиш үчүн, уларниң дәрдини йениклитиш үчүн хизмәт қиливатиду. Шуңа биз уларни бу мукапатқа лайиқ көрдуқ.

Мукапатка еришкүчиләр ичидә афйон вилайити динар шәһәрлик һөкүмәтниң башлиқи мустафа тарлаҗи әпәндиму бар иди. У шәрқий түркистан мәдәнийәт вә һәмкарлиқ җәмийитигә бу мукапатниң берилгәнликиниң алаһидә диққәт тартқанлиқини ейтип мундақ деди: шәрқий түркистандики қериндашлиримиз йиллардин буян чекиватқан зулум вә ишкәнҗилирини бирликтә яшаватимиз. Бизниң бу йәрдә яшишимиз уларниң җапалирини билиш үчүн бир тосалғу әмәс. Бизниң қәлбимиз улар билән бирликтә. Уларниңму биркүн қутулидиғанлиқиға ишәнчимиз камил. Буниң үчүн қолимиздин кәлгәнни қилимиз. Биз алған мәлуматларға қариғанда хитайдики уйғур қериндашлиримиз һәр саһәдә кәмситишкә учраветипту. Бизниң шәһәрдиму һәрхил милләтләр бар. Әмма биз һечбир вақит уларға айримичи сиясәт елип бармаймиз. Шуңа мән бир шәһәр башлиқи болуш супити билән уйғурларға тәң баравәр муамилә қилишини тәләп қилимән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт