Shiwétsiyide ikki jumhuriyetni we köresh sultanni xatirilesh pa'aliyiti ötküzüldi

• Muxbirimiz yalqunning bu heqtiki toluq melumati
• Download story audio

10 - Noyabir küni shiwétsiyining stokholim shehiride shiwétsiye Uyghur komitétining orunlashturushi bilen ikki jumhuriyetni we merhum köresh kösenni xatirilesh pa'aliyiti ötküzüldi. Pa'aliyetke shiwétsiyidiki Uyghurlardin sirt gérmaniye we gollandiyidin erkin aliptékin, dolqun eysa , ablimit tursun , bextiyar shemshidin qatarliq on nechche méhman kélip qatnashti. Pa'aliyet tarixtiki ikki jumhuriyetni qurush üchün issiq qanlirini bedel qilghan milyonlighan shihitlirimizning rohigha we shu shihitlirimizning biri bolghan küresh sultan ependining rohigha atap qur'an tilawet qilish bilen bashlandi.

Pa'aliyet dawamida dunya Uyghur qurultiyining sabiq re'isi erkin aliptékin ependi sözge chiqip tarixi shexslerni we tarixi sawaqlarni eslesh bilen birge , hazirqi shara'itta Uyghur dewasi üchün qimmetlik bayliq we tarixi purset hésablan'ghan rabiye qadir xanimni qedirleshni we uning etrapigha zich oyushushni teshebbus qildi.Uningdin kéyin sözge chiqqan dunya Uyghur qurultiyining bash sékritari dolqun eysa hazir yaponiyide ziyarette boluwatqan rabiye qadir xanimning bügünki xatire küni üchün ewetken salimini yetküzdi we ikki jumhuriyetning qurulush jeryani heqqide méhmanlargha melumat berdi.

Pa'aliyet dawamida merhum küresh sultanning qedinas dosti ablimit tursun ependi teripidin retlinip ishlep chiqilghan merhum küresh sultanning sen'et we siyasi hayatigha béghishlan'ghan "küresh ölmeydu"namliq qisqa filim we shiwétsiye Uyghur komitéti teripidin teyyarlan'ghan sherqi türkistanning medeniyiti we siyasi teqdiri teswirlen'gen bedi'iy filim körsitildi . Pa'aliyet dawamida yene küresh sultanning yéqinliridin gérmaniyidin kelgen zéibibullah uning ölümige béghishlap yazghan shé'irini uqup ötti.

Pa'aliyet küresh sultan hayat waqtida ijad qilghan balilar marshining tékistni uning perzenti kewser qatarliq balilarning orundishi bilen axirlashti. (Yalqun)