Абдукерим абдувәли 16 йилдин бери хитай түрмисидә ятмақта

• Мухбиримиз ялқунниң бу һәқтики толуқ мәлумати
• Download story audio

‏ 80‏ - Йилларниң ахирида уйғур елиниң җәнуб вә шималида керәм қарим нами билән даң чиқарған уйғур оғлани абдукерим абдувәлиниң хитай түрмисидә йетиватқиниға бу йил16 йилдин ашти. Униң билән әсра болған , у ниң һәр хил тәблиқ ‏- нутуқлирини аңлиған кишиләр униң аҗайип йитилгән натиқ вә мол билимгә игә киши икәнликини билдүрмәктә. Ундақта бу киши ким? у қандақ адәм иди, у немә үчүн түрмә муддити тошқан болсиму, хитай һөкүмити тәрипидин қуювитилмәй йәнила турмидә тутуп турулиду?

Керәм қаримни йеқиндин билидиғанларниң билдүрүшчә, керәм қарим 80‏ - йилларниң ахирида куча наһйисидә чоң көләмлик диний тәлим ‏-тәрбийә һәркити елип барған. У өз өйидә яш әвладларға динни савақ бәргәндин сирт , пүтүн җамаәткә диний тәблих сөзләп кишиләрни һарақ ечиштин, тамака чекиштин тосиған, кишлик мунасивәттә адил, сәмимий болушқа , алланиң инсанларға ата қилған тәбиий қәдир ‏-қиммитини,иззәт‏-һөрмитини қоғдашқа чақирған.

У барлиқ тәблиғлиридә инсанниң бу дуняға алла тәрипидин тәң қиммәттә баравәр, әркин яритилидиғанлиқини, динға ишиниш алланиң бәндилиригә бәргән әң алий һоқуқлириниң бири икәнликлирини, бу дуняда һәммә инсанниң әркин яшаш һоқуқиниң болидиғанлиқини тәкитлигән.

Керәм қаримниң паалийәтлиридин толуқ хәвири бар кишиләрниң билдүрүшчә, әйни чағда пүтүн куча даирисидә униң тәблиғлирини аңлимиған кишиләр наһайити аз қалған һәтта һөкүмәт хадимлириғичә түркүмләп келишкән. Керәм қаримниң тәблиғханисида кечә ‏- күндүз дегүдәк зиярәтчиләрниң айиғи тинҗимиған. Шу чағларда куча даирисидә яшлардин тартип чоңларғичә һарақ‏-тамакидин өзлүклиридин ваз кечип, ибадәт йолиға қарап маңғанларниң, уйғур миллий әнәниси буйичә той ‏- төкүн‏, нәзир ‏- чирақ қилидиғанларниң сани көпәйгән.

Керәм қаримниң икки қетимлиқ һейтта елип барған 40нәпәр қиз вә оғулни бир хил чирайлиқ уйғурчә кийиндүрүп топлишип һейтлишиши кишиләр арисида наһайити чоң дағдуға қозғиған.Керәм қаримниң түрмигә елиниш сәвәби һәққидә тәһлил қилғучилар, ¨ гәрчә керәм қаримниң һечқандақ гунаһи болмисиму, кишиләр арисида күндин ‏- күнгә юқири көтүрүлүватқан абройи вә тәсири хитай һөкүмити тәрипидин тәһтид дәп қаралған болуши мумкин ¨‏ дәйду. Бу һәқтә абдушкур самсақ әпәнди мундақ дәйду.

юқиридики улиништин, ихтияри мухбиримиз ялқунниң бу һәқтики хәвириниң тәпсилатини аңлайсиз.