ئۇيغۇر ئېلى مائارىپ خەۋەرلىرىدىن مەلۇم بولۇشىچە، خىتاي ھۆكۈمىتى نۆۋەتتە خىتاي ئىچى ھەمدە ئۇيغۇر ئېلىدىكى بىر قىسىم خىتاي ئوتتۇرا مەكتەپلىرىدە تەسىس قىلغان "شىنجاڭ "تولۇق ئوتتۇرا ھەم تولۇقسىز ئوتتۇرا سىنىپلىرىنىڭ سانىنى 50 گە يەتكۈزۈپ، بۇ سىنىپلاردا تېخىمۇ كۆپ ئۇيغۇر پەرزەنتلىرىنى پۈتۈنلەي خىتاي مائارىپىدا تەربىيىلەشنى مەقسەت قىلماقتا ئىكەن.
گەرچە بىر قىسىم ئۇيغۇر زىياليلىرى خىتاينىڭ بۇ خىل"شىنجاڭ"سىنىپلىرىنى ئېچىشى،ئۇيغۇرلارنى تىل ۋە مەدەنىيەت جەھەتلەردىن ئاسسىمىلاتسىيە قىلىش سىياسىتىنىڭ بىر قىسمى دەپ تەنقىد قىلىۋاتقان بولسىمۇ، ئەكسىچە خىتاي دائىرىلىرى بۇ سىنىپلارغا ئوقۇغۇچى قوبۇل قىلىش سانىنى بۇلتۇرقى 3990 نەپەردىن، 5000 نەپەرگە كۆپەيتكەن.
شۇنداقلا بارغانچە تېخىمۇ كۆپ ئۇيغۇر ئاتا-ئانىلارنىڭ پەرزەنتلىرىنى شىنجاڭ سىنىپلىرىدا ئوقۇتۇش ئۈمىدىدە بولۇۋاتقانلىقى ئۇيغۇر زىيالىلىرىدا كۈچلۈك مۇلاھىزىلەرنى قوزغىماقتا.
بۇ ھەقتە، مۇخبىرىمىز گۈلچېھرە، يېقىندا ئۇيغۇر ئېلىدىن ئامېرىكىغا كەلگەن، ئىسمىنى ئاشكارىلاشنى خالىمىغان بىر ئۇيغۇر ئوقۇتقۇچى خانىم بىلەن بۇ ھەقتە سۆھبەت ئۆتكۈزدى.
سۆھبەت مەزمۇنلىرىنى يۇقىرىدىكى ئۇلىنىشتىن ئاڭلىغايسىز. (گۈلچېھرە)