ئۇيغۇر ئېلىدە "8 شەرەپ، 8 نومۇس" قارىشىنى ئۆگىنىشتىن ئىبارەت يېڭى سىياسىي ئۆگىنىش دولقۇنى كۈچەيدى
2006.03.30
ئۇيغۇر ئېلىنىڭ ھۆكۈمەت باشقۇرۇشىدىكى تور بەتلىرىدىن ئاشكارىلىنىشىچە، ئۇيغۇر ئاپتونوم رايونلۇق پارتكوم تەشكىلات بۆلۈمى 3 - ئاينىڭ 23 - كۈنى پۈتۈن ئۇيغۇر ئېلى مىقياسىدا، خىتاي رەئىسى خۇ جىنتاۋنىڭ سوتسىيالىستىك شەرەپ -نومۇس قارىشى توغرىسىدىكى بايانىنى ئۆگىنىش ھەمدە مۇزاكىرە ئېلىپ بېرىشقا تەشكىللەش توغرىسىدا مەخسۇس ئوقتۇرۇش چۈشۈرگەن. ئارقىدىنلا يەنى 27 - مارت كۈنى ئاپتونوم رايونلۇق خەلق ئىشلار ئىدارىسىمۇ ھەر قايسى دەرىجىلىك خەلق ئىشلار ئىدارىلىرى ھەم تارماقلىرىغا ئوخشاش مەزمۇندا ئوقتۇرۇش چۈشۈرگەندىن باشلاپ،نۆۋەتتە ئۇيغۇر ئېلىدە يېزا- يېزىلارغىچە داۋام قىلىۋاتقان پارتىيە ئەزالىرىنىڭ ئىلغارلىقىنى ساقلاش ھەرىكىتىگە ئۇلىنىپلا "سوتسىيالىستىك شەرەپ نومۇس قارىشى" نى ئۆگىنىشتەك يېڭى بىر سىياسىي ئۆگىنىش دولقۇنى كۆتۈرۈلگەن. خىتاي پارتكوم تەشكىلات بۆلۈمى "سوتسىيالىستىك شەرەپ-نومۇس قارىشىنى ئەستايىدىل ئۆگىنىش، نەزەرىيە مۇھاكىمە يىغىنلىرىنى ئېچىپ بارلىق كومپارتىيە ئەزاسى كادىرلىرى، بارلىق پۇقرالار بىرلىكتە تەكشۈرۈپ تەتقىق قىلىش، كادىرلارنى تەربىيىلەش ھەمدە رەھبەرلىك بەنزىسىنى كۈچەيتىشتىكى تەخىرسىز ۋەزىپە" دەپ تەكىتلىگەن.
تەڭرىتاغ تور بېتىدە يەنە ئۇيغۇرلارنىڭ يېڭى كۆتۈرۈلگەن "سوتسىيالىزم شەرەپ- نومۇس" قارىشى تەربىيىسىنى قانداق ئېلىپ بېرىۋاتقانلىقى ھەققىدە ئېلان قىلىنغان بىر سۆرەتلىك خەۋەردە" خەلق ئىچى سەنئەت ئۆمىكىدىكى ياشانغان سەنئەتكارلار كۇچا ناھىيىسىنىڭ چىمەن بازىرىدىكى ئۇيغۇر باشلانغۇچ مەكتەپتە ئوقۇغۇچى ھەمدە ئۇلارنىڭ ئائىلە باشلىقلىرىغا 8 شەرەپ، 8 نومۇس مەزمۇن قىلىنغان يېڭى مۇقامنى ئېيتىپ بەردى. " دېيىلگەن شۇنداقلا بۇ خەلق ئارتىسلىرىنىڭ كەنتلەردە سەييارە تەشۋىقات ئويۇنى قويۇۋاتقانلىقى بايان قىلىنغان.دېمەك خىتاي كومپارتىيىسى سەككىز شەرەپ، سەككىز نومۇس قارىشىنى ئۆگىنىش ھەرىكىتىنى نۆۋەتتە ھەر خىل شەكىل، ھەر خىل ۋاسىتىلەر بىلەن ئۇيغۇر ئېلىنىڭ يۇقىرى ئورگانلىرىدىن باشلاپ ئەڭ ئاساسىي قاتلامدىكى يېزا -كەنتلەرگىچە كۈچەيتمەكتە ئىكەن.
بۇ مۇناسىۋەت بىلەن، دۇنيا ئۇيغۇر قۇرۇلتىيىنىڭ باياناتچىسى دىلشات رىشىت زىيارىتىمىزنى قوبۇل قىلىپ، خۇجىنتاۋ باشچىلىقىدىكى خىتاي كوممۇنستىك پارتىيىسىنىڭ شەرەپ -نومۇس تەربىيىسى ئېلىپ بېرىشىدىكى مەقسەت ھەمدە سەۋەبلىرى ھەققىدە توختالدى.
مۇناسىۋەتلىك ماقالىلار
- كېرىيە ناھىيىسىدە ياش - ئۆسمۈرلەرنىڭ ئىدىيىسىنى تەكشۈرۈش ھەرىكىتى باشلاندى
- خىتاي ھۆكۈمىتى نېمە ئۈچۈن ئۇيغۇر ئېلىدە ئارمىيىنى ھىمايە قىلىش نەمۇنىچىسىنى كۆتۈرۈپ چىقىرىدۇ؟
- قادىر باقىنىڭ كۈندىلىك خاتىرىسى
- بەشتە كاپالەتلىك قىلغۇچى كادىرلار ئايكۆل يېزىسىدا نېمە ئىش قىلىدۇ؟
- قەشقەردە ئوقۇغۇچىلارنىڭ دىنىي تۈس ئالغان كىيىملەرنى كىيىشى چەكلەنگەن
- خىتاي ھۆكۈمىتى ئۇيغۇر يازغۇچى ئابدۇللا جامالنى يازغان ئەسەرلىرى تۈپەيلى قولغا ئالغان
- پوسكام نېفىتلىكىدىكى بىر قىسىم ئوقۇتقۇچى - ئوقۇغۇچىلار "مىللىي بۆلگۈنچى" دەپ ئەيىبلىنىپ قولغا ئېلىندى
- خىتاي ھۆكۈمىتى ئۇيغۇر ئېلى مائارىپىنى سىياسەتچىلەرنىڭ باشقۇرىشىنى تەكىتلىمەكتە
كۆپ كۆرۈلگەن خەۋەرلەر
RFA
- ئەنگلىيەلىك يۇتۇبېر كۆرگەن تاقاقلىق مەسچىتلەر ۋە روزا تۇتۇش چەكلەنگەن ئۇيغۇرلار ۋەزىيىتى دىققەت قوزغىدى
- مۇتەخەسسىسلەر:«خىتايغا خۇشخەۋەر بولغان ئىشلار ئۇيغۇرلار ئۈچۈن شۇم خەۋەردۇر»
- خىتايغا قايتۇرۇلغان ئۇيغۇرلارنى «يوقلاش» قا ماڭغان تايلاند ۋەكىللەر ئۆمىكى ئاگاھلاندۇرۇلدى
- «شىنجاڭ ۋەكىللىرى» «دۆلەت ئورتاق تىل-يېزىقى قانۇنى» غا ئۆزگەرتىش كىرگۈزمەكچى
- كۆزەتكۈچىلەر: «خىتاينىڭ ئۇيغۇر ئېلىدىكى ئىسلاھات پىلانى ئۇيغۇرلارنى ئەمەس، بەلكى خىتاينىڭ ئۆزىنى باي قىلىدۇ»