'Хитай сотсиялизмни уйғур хәлқини йоқитиш үчүн қорал қилди'

Америка билән хитай оттурисида дипломатик мунасивәт орнитилған 30 йил һәққидики мулаһизиләр давамлишиватиду.
Мухбиримиз вәли
2009-01-12
Share
Xitay-amerika-john-305 2008 - Йили 8 - йанварда, америкиниң муавин ташқи ишлар министири җон негропантей бейҗиңда америка-хитай депломатийә орнатқанлиқиниң 30 йиллиқини хатириләш паалийитидә хитай муавин президенти шиҗинпиң билән сөһбәттә.
AFP Photo

Хитай тарихтин буян пүтүн асияға вә дуняға хоҗа болуш ирадисидин ваз кәчмиди

Германийидә туруватқан уйғур язғучиси көрәш атахан мулаһизисидә, алди билән хитай дөлитиниң тарихтики әнәнивий идеологийисини тәсвирлиди.

Көрәш атаханниң қаришичә, хитай дөлити тарихтин буян сиртқа қарита инсанпәрвәрлик, достлуқ, муһәббәт вә тинчлиқни чәткә қақидиған, йеқин әтраптики милләтләргә кеңәймичилик қилип, уларни ассимилиятсийә қилишқа урунидиған идеологийини қоллинип, ахирқи һесабта пүтүн асияға вә дуняға хоҗа болуш ирадисидин ваз кәчмиди.

Америка -хитай дипломатийә орнатқан 30 йилда, хитайға гүллиниш, күчлиниш пурсити кәлди, уйғурларға кәлмиди

Америка -хитай дипломатийә орнатқан бу 30 йилда, америка хитайниң сиртқа қарита кеңәймичилик, ички җәһәттә бекинмичилик сияситигә тинч һалда тәсир көрситиш билән биргә, хитайға иқтисадий җәһәттә гүллиниш, сиясий җәһәттә күчлиниш пурсити елип кәлди. Әмма уйғурларға бундақ пайдилиқ пурсәт елип кәлмиди.

Хитай йәнила уйғурларға дүшмәнлик қилиш, кеңәймичилик қилиш әнәнисидин ваз кәчмиди

язғучи көрәш атаханниң қаришичә, бу 30 йилда, америка өзи ойлиғинидәк мувәппәқийәткә еришәлмиди. Гәрчә хәлқараниң җиддий түрткисидә, хитайлар һөкүмәт үстидин шикайәт қилалайдиған, һакиммутләқлиққә қарши туралайдиған болған болсиму, әмма уйғурлар ундақ қилалмайду.

Хитайға ғәрбниң демократийә әндизиси кирмиди. Хитай йәнила уйғурларға дүшмәнлик қилиш, кеңәймичилик қилиш әнәнисидин ваз кәчмиди. Бәлки өзиниң кеңәймичилик арзу-истәклири үчүн давамлиқ тәйярлиқ қиливатиду.

Хитай 'сотсиялизм' дегәнни йәрлик хәлқни йоқитидиған қорал қилди

язғучи көрәш атаханниң қаришичә, хитай уйғурларға қарита әнәнивий кеңәймичиликини йолға қойди. 'Сотсиялизм' дегәнни уйғур қатарлиқ йәрлик хәлқни йоқитидиған қорал қилди.


Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт