'Xitay sotsiyalizmni Uyghur xelqini yoqitish üchün qoral qildi'

Amérika bilen xitay otturisida diplomatik munasiwet ornitilghan 30 yil heqqidiki mulahiziler dawamlishiwatidu.
Muxbirimiz weli
2009-01-12
Share
Xitay-amerika-john-305 2008 - Yili 8 - yanwarda, amérikining muawin tashqi ishlar ministiri jon négropantéy béyjingda amérika-xitay déplomatiye ornatqanliqining 30 yilliqini xatirilesh paaliyitide xitay muawin prézidénti shijinping bilen söhbette.
AFP Photo

Xitay tarixtin buyan pütün asiyagha we dunyagha xoja bolush iradisidin waz kechmidi

Gérmaniyide turuwatqan Uyghur yazghuchisi köresh ataxan mulahiziside, aldi bilen xitay dölitining tarixtiki en'eniwiy idé'ologiyisini teswirlidi.

Köresh ataxanning qarishiche, xitay döliti tarixtin buyan sirtqa qarita insanperwerlik, dostluq, muhebbet we tinchliqni chetke qaqidighan, yéqin etraptiki milletlerge kéngeymichilik qilip, ularni assimiliyatsiye qilishqa urunidighan idé'ologiyini qollinip, axirqi hésabta pütün asiyagha we dunyagha xoja bolush iradisidin waz kechmidi.

Amérika -xitay diplomatiye ornatqan 30 yilda, xitaygha güllinish, küchlinish pursiti keldi, Uyghurlargha kelmidi

Amérika -xitay diplomatiye ornatqan bu 30 yilda, amérika xitayning sirtqa qarita kéngeymichilik, ichki jehette békinmichilik siyasitige tinch halda tesir körsitish bilen birge, xitaygha iqtisadiy jehette güllinish, siyasiy jehette küchlinish pursiti élip keldi. Emma Uyghurlargha bundaq paydiliq purset élip kelmidi.

Xitay yenila Uyghurlargha düshmenlik qilish, kéngeymichilik qilish en'enisidin waz kechmidi

Yazghuchi köresh ataxanning qarishiche, bu 30 yilda, amérika özi oylighinidek muweppeqiyetke érishelmidi. Gerche xelq'araning jiddiy türtkiside, xitaylar hökümet üstidin shikayet qilalaydighan, hakimmutleqliqqe qarshi turalaydighan bolghan bolsimu, emma Uyghurlar undaq qilalmaydu.

Xitaygha gherbning démokratiye endizisi kirmidi. Xitay yenila Uyghurlargha düshmenlik qilish, kéngeymichilik qilish en'enisidin waz kechmidi. Belki özining kéngeymichilik arzu-istekliri üchün dawamliq teyyarliq qiliwatidu.

Xitay 'sotsiyalizm' dégenni yerlik xelqni yoqitidighan qoral qildi

Yazghuchi köresh ataxanning qarishiche, xitay Uyghurlargha qarita en'eniwiy kéngeymichilikini yolgha qoydi. 'Sotsiyalizm' dégenni Uyghur qatarliq yerlik xelqni yoqitidighan qoral qildi.


Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet