Sowét qizil armiyisining mexpiy arxipliri ashkarilandi

2007-06-19
Élxet
Pikir
Share
Print

Rusiye dölet mudapi'e ministirliqi 5 ‏- ayda, sowét qizil armiyisining mexpiy arxiplirini ashkarilash buyruqi imzalighan idi. 6 ‏- Ayning 15 ‏- küni, bu buyruqning resmiy küchke ige boludighanliqini jakarlidi. 'Amérika awazi'ning moskwadin xewer qilishiche, hazir rusiyining dölet mudapi'e ministirliqi arxipxanisida, lénin'grad arxipxanisida we pittsburg arxipxanisida saqliniwatqan sowét qizil armiyisining 1941 ‏- yilidin 1945 ‏- yilighiche bolghan ariliqtiki 4 milyon parchidin artuq (herbiri texminen 250 bettin) mexpiy arxip hazir xelqqe ashkara.

Xewerde bayan qilinishiche, bu arxiplarda stalin ikkinchi dunya urushi mezgilide tikligen 'qehrimanlar'ning siri ‏-‏-‏- stalin özi qirip tashlap, keynidin uni 'qehriman' dep teshwiq qilip abide tiligen 'weten qehrimanliri'ning siri؛ stalinning xitay chong quruqluqining sherqiy shimal rayonigha esker chiqirishining siri we Uyghurlar üchün éytqanda, stalinning jang keyshi bilenmu, yen'endiki xitay kommunist partiyisi bilenmu , herxil mexpiy alaqe baghlap, néme ishlarni qilghanliqining siri؛ xitay kommunist partiyisining qandaq qilip, tosattin ghelibe qilghanliqining siri qatarliq sirlar saqlinip yatidu. Hazir sowét qizil armiyisi arxiplirining ichide, peqet %1 ni teshkil qilidighan herbiy sot arxiplirini ashkarilash resmiyitila téxiche pütmigen.

Sowét qizil armiyisining mexpiy arxiplirini tetqiq qilish tarixchilirimizning hazirqi muhim wezipisi

Hazir amérikida turuwatqan tarixshunas doktor qahar baratning qarishiche, sowét qizil armiyisining ikkinchi dunya urushi mezgilidiki mexpiy arxiplirini tetqiq qilish, uningdiki emeliy pakitlar asasida hazirqi zaman Uyghur tarixidiki sirlarni échish, qarangghuluqlarni yorutush, tarixni toghra chüshendürüsh ‏-‏-‏- tarixchilirimizning hazirqi muhim wezipisi.

Sowét qizil armiyisining mexpiy arxipliri tetqiq qilinsa, hazirqi zaman Uyghur tarixidiki bir qatar sirlar échilidu

Tarixshunas doktor qahar baratning qarishiche, sowét qizil armiyisining ikkinchi dunya urushi mezgilidiki mexpiy arxiplirining ashkarilinishi bilen hazirqi zaman Uyghur tarixidiki bir qatar sirlar échilishi mumkin. U özining mulahiziside hazirqi zaman Uyghur tarixidiki bezi sirliq misallarni tilgha aldi.

Sowét ittipaqi bilen jang keyshi, yen'endiki xitay kommunist partiyisi we sherqiy türkistan jumhuriyiti otturisida herxil issiq- soghuq munasiwetler bolghan

Tarixshunas doktor qahar baratning qarishiche, sowét ittipaqi bilen jang keyshi hakimiyiti, yen'endiki xitay kommunist partiyisi we sherqiy türkistan jumhuriyiti otturisida herxil issiq we soghuq munasiwetler bolghan.

Ottura asiya, rusiyilerdiki Uyghur ziyaliylirining tetqiqatidin ümid zor

Doktor qahar baratning qarishiche, sowét qizil armiyisining ikkinchi dunya urushi mezgilidiki mexpiy arxiplirini tetqiq qilish jehette ottura asiya, rusiyilerdiki Uyghur ziyaliylirining tetqiqatta netije qazinishidin ümid zor. (Weli)

Pikirler (0)
Share
Toluq bet