Arxip
2008-04-23
Dunya Uyghur qurultiyi, wakaletsiz milletler teshkilati we amérikining démokratiyini ilgiri sürüsh fondi birlikte teshkilligen 2 - nöwetlik Uyghur rehberlirini démokratiye we insan hoquqliri boyiche terbiyilesh kursigha qatnishiwatqan Uyghurlar 2008 - yili 4 - ayning 23 - küni gérmaniyining paytexti bérlin shehiridiki tarixi meydanidiki brandenburger tor derwazisining aldida namayish ötküzdi.
2008-04-23
Olimpik mesh'ili charshenbe küni awstraliye paytexti kanbérra etrapidiki bir herbiy ayrodromgha yétip kelgende mesh'elni kanbéradiki bir awstraliye yerlik qebilisining aqsaqili kütüwaldi. Kanbéradiki mesh'elni yetküzüsh murasimi peyshenbe küni ötküzülidu.
2008-04-23
Bir qisim gherb mutexesislirining bayan qilishiche, xitay hökümiti yéqindin béri, Uyghurlarni xelq'ara térrorchiliq herikitige chétish pa'aliyitini alahide kücheytken bolup gherb döletliride xelq'ara térrorluq teshkilatliri we bu teshkilatlarning ezaliri üchün ishlitiliwatqan söz-ibarilerni Uyghurlar üchün ishlitishke bashlighan.
2008-04-23
Xitay ichi-sirtida dawam qiliwatqan xitay milletchilik heriketlirini dunya jametchiliki diqqet bilen közetmekte. Bügün washin'giton pochtisi géziti, amérikida bügün, xelq'araliq xewerler sehnisi qatarliq nopuzluq axbarat wastiliri, mezkur heriket heqqide xewer we muhakimiler élan qildi.
2008-04-23
21 - 22 - April künliri özbékistan prézidénti islam abdughéni oghli kerimof resmiy ziyaret bilen qazaqistan paytexti astanada ikki kün turup, prézidént nursultan ebish oghli nazarbayéf bilen ikki döletning kop tereplimilik hemkarliq munasiwetliri mesilisi heqqide söhbetler élip bardi.
2008-04-22
Dunya Uyghur qurultiyi, wakaletsiz milletler teshkilati we amérikining démokratiyini ilgiri sürüsh fondi birlikte teshkilligen 2 - nöwetlik Uyghur rehberlirini démokratiye we insan hoquqliri buyiche terbiyilesh kursi 2008 - yili 4 - ayning 21 - küni gérmaniyining paytexti bérlin shehiridiki xolidey in méhmanxanisida tentenilik bashlandi.
2008-04-22
Hazir béyjingda turuwatqan yazghuchi wang lishung ependi 4 - ayning 21 - küni 'közitish jurnili'da bir maqale élan qilip, buningdin 1300 yil burun xitayning tang sulalisi tibet xanigha melike yatliq qilghan bir riwayet heqqidiki tetqiqatini élan qildi.
2008-04-22
Pakistanda in'gilizche neshr qilinidighan Dawn gézitining xewer qilishiche, bu yil 18 - april küni, xitayning pakistan bash elchisi bayanat élan qilip, pakistandiki sherqi türkistan küchliridin xatirjem bolalmaywatqanliqini bildürgen.
2008-04-22
Türkiye metbu'atlirida xotende 600 neper ayal tutqun qilinip türmige qamalghanliq toghrisidiki xewer arqa - arqidin keng türde tarqalghandin kéyin , türkiye xelqi we ammiwi teshkilatlar xitaylargha bolghan naraziliqini we Uyghurlargha bolghan hésdashliqini bildürüp yighin we namayishlar oyushturmaqta.
2008-04-22
11 - April küni gérmaniye parlaménti mexsus tibet mesilisi toghriliq yighin chaqirip, tibetke yardem qilishning ünümlük bir tedbirliri heqqide muzakire élip barghan idi. Yighinda gérmaniyidiki töt chong partiyining biri bolghan yéshillar partiyisini merkez qilghan zor köp sandiki parlamént ezaliri, xitay mallirini bayqut qilish teshebbusini otturigha qoyghan.
2008-04-22
Xitay hakimiyet da'iriliri we axbarat wasitiliri, tibette yüz bergen weqeler we béyjing olimpik tenherikitige qarshi dunyaning her qaysi döletliride ötküzülüwatqan naraziliq heriketlirini öz xelqige qandaq yetküzüwatidu?
2008-04-21
23 - Mart xoten ayallar namayishida tutqun qilin'ghanlarning ehwali heqqide bügün yeni 21 - april küni hökümet da'iriliridin yene bir ret ehwal igiliduq. Bügünki igilishimizde tutqunlardin birining hamildar ayal ikenliki, ay - küni yéqinliship qalghan bolghachqa soraq jeryanida jiddiyliship hushidin ketkenliki ashkarilandi.
2008-04-21
Amérika yardemchi tashqi ishlar ministiri, prézidént bushning tibet mesilisidiki alahide wekili pawla dobriyaniskiy düshenbe küni michigan shtatida tibet rohaniy dahisi dalay lama bilen körüshüp, bush hökümitining tibet weziyitige alahide diqqet qilidighanliqini we munasiwetlik tereplerning özini tutuwélishini telep qildi.
2008-04-21
Rusiye ammiwi axbarat wasitilirida qirghizistan paytexti bishkek shehiride 20 - april küni rusiye herbiy xadimlirining qirghizistan ichki ishlar xadimlirining hujumigha uchrighanliqi heqqide xewerler tarqaldi. Rusiye uchurlirida éytilishiche, 20 - april küni qirghizistan saqchiliri bishkek shehiri yénidiki rusiye hawa armiye bazisining üch neper ofitséri heydigen mashinini tosup, ulargha oq chiqarghan hem ularni urup yaridar qilghan.
2008-04-21
Bash orgini daramsaladiki 'tibet ittipaqi' ning 4 - ayning 21 - küni élan qilghan bayanatigha qarighanda, hazir tibet diniy zatliri ichide xitay kommunist hökümitige bolghan qarshiliq eng küchlük. Bayanatta éytilishiche, xitay herbiy qisimliri 4 - ayning 14 - küni chopil tashi ibadetxanisidin 3 diniy zatni, 4 - ayning 15 - küni shitsang ibadetxanisidin 18 diniy zatni, 16 - küni yene 4 diniy zatni, 17 - küni nalanda ibadetxanisidin 2 diniy zatni biwaste tutup ketken.
