Arxip

Ürümchide kimlikingiz bolmisa taksigha chiqalmaysiz

Xitay da'iriliri béyjing olimpiki échilish harpisidin bashlapla, Uyghur élide bixeterlik tedbirlirini kücheytken idi. Yéqinda qeshqer hemde kuchalarda yüz bergen hujum weqeliridin kéyin ürümchidiki amanliq saqlash da'iriliri barliq ammiwi sorun hemde ammiwi aptobuslarda somka échip tekshürüshke oxshash tedbirlerni qollanmaqta.

Ikki neper yizu yash chingdaw herbiy ayrodromida weqe peyda qilghan

Shyanggangdiki xitay kishilik hoquq uchur merkizining xewer qilishiche, 17 - awghust küni ikki neper yizu yash chingdawdiki herbiy ayrodromida weqe peyda qilghan. Weqeni nöwette bir qisim axbarat orunliri, ayropilan bulash we partlitishqa urunush weqesi dep xewer qilsa, chingdaw saqchi da'iriliri bu bir oghriliq guruhining oghriliq qilishqa urunush weqesi dep bildürmekte.

Chégrisiz kishilik hoquq teshkilati Uyghur mesilisige köngül bölmekte (2)

Chégrisiz kishilik hoquq teshkilati bundin ikki yérim yil muqeddem Uyghur mesilisige qol tiqishqa bashlighan bolup, bu teshkilatning xongkonggha jaylashqan sherqiy jenubi asiya bölümining diréktori mark jespér ependining bildürüshiche, bu teshkilat ikki yérim yil jeryanida, özlirining xizmet tejribisi we yawropa parlaméntidiki organlar bilen bolghan alaqisidin paydilinip Uyghur mesilisining yawropa parlaméntida téximu körünerlik derijide anglitilishigha hesse qoshqan.

Shiwétsiyide Uyghurlarning ehwalini tonushturidighan foto resim körgezmisi échildi

Yawropada chiqidighan 'gherb shamili zhurnili'ning tehriri, hazir shiwétsiyide turuwatqan abdurishit haji kérimining bayan qilishiche, yéqinda qeshqer, kuchalarda xitay kommunist partiyisining saqchilirigha qarshi weqeler yüz bergendin kéyin, xitay hökümitining uchur wastiliri shiwitsiyidimu Uyghurlarni selbiyleshtüridighan teshwiqatlar élip bérishqa bashlighan ehwal astida, shiwétsiyide turuwatqan Uyghurlar Uyghur yurtlirida tartilghan foto süretlerni körgezme qilish arqiliq, emeliy pakitlar bilen Uyghurlarning kommunist xitayning zorawanliqi astida éziliwatqanliqini ispatlighan.

Kanadaning sabiq we hazirqi bash ministirliri xitay mesiliside toqunushmaqta

Béyjing olimpik musabiqisining axirlishishigha birqanche kün qalghan bolsimu,emma kanada bash ministiri stéphén harpérning béyjing olimpik musabiqisining échilish we yépilish murasimlirigha qatnashmasliq qarari öktichi libéral partiyisi bilen hakimiyet béshidiki konsérwatip partiyisi otturisida yenila keskin munazire témisi bolmaqta.

Uyghur alimliri torbajin qedimiy Uyghur shehiride

Yéqinda rusiyining tuwa jumhuriyitidiki terxun köli rayonidiki torbajin qedimiy Uyghur sheher qorghinida xelq'araliq dala ilmiy muhakime yighini ötküzüldi .

Olimpik murasimidin kéyin ...

Olimpik murasimini sehnileshtürüshke küch chiqarghan rézhissor, xitay kommunistik partiyisining idiyisini we bu partiyining hakim mutleq iradisini gewdilendürgen, yadro döliti hésablan'ghan bu dölet junggo, béyjingda ötküzülüwatqan olimpik murasimi yaratmish qimmetni, öziche alahide dölet küchige maslashturup, maslishishqa "bir dunya, bir chüsh" deydighan sho'arni singdürüp, maw zédong towlap yürgen " insaniyetni azad qilish" deydighan chüshke montaj sheklide gireleshtürgen.

Heptilik xewerler (16 - awghusttin 22 - awghustqiche)

Istansimiz muxbiri béyjingdiki qattiq qamal qilin'ghan namayish rayonida bir erzdarning derdini anglidi

Olimpik ötküzülüsh jeryanida, béyjingda namayish élip bérishqa ruxset bérilgen 3 rayonda hazirgha qeder bir qétimmu namayish ötküzülüp baqmighan bolup, buning sewebi namayish iltimaslirining izchil ret qilinishi tüpeylidin meydan'gha kelgen.

Xitay da'iriliri Uyghur élide pilanliq tughut xizmitini " quyash nuri pilani" buyiche kücheytip élip barmaqta

Uyghur élidiki pilanliq tughutqa mes'ul orunlardin ashkarilinishiche, xitay da'iriliri bu yil 7 - ayning 10 - künidin tartip " quyash nuri heriket pilani " namida, Uyghur éli miqyasida pilanliq tughut xizmitini kücheytish tedbirlirini élishqa bashlighan bolup, xitay da'irilirining töt qedem basquch bilen élip bériwatqan bu herikiti 10 - ayning otturiche dawamlishidiken.

Pakistandiki weziyet we Uyghur mesilisi

Perwez musherrepning prézidéntliq wezipisidin istipa bérishi pakistan weziyitide yüz bergüsi zor bir özgirishtin bir signal dep qaralmaqta. Emma bu özgirishning rayondiki menpe'etdar tereplerning qaysisigha qandaq tesir körsitish éhtimali nöwettiki siyasiy mulahizilerning qiziq témisidur.

'Xelq'ara qa'ide' bilen 'junggoning ehwali' heqqide sélishturma

Xitayda 'xelq'ara qa'ide buyiche ish körüsh' dégen söz nahayiti köp sözlinidu, emma uning emeliyiti qandaq? bügün 'közitish zhurnilida'da 'xelq'ara qa'ide' bilen 'junggoning ehwali' toghrisidiki sanliq melumatlar sélishturulghan bir obzor élan qilindi.

Chégrisiz kishilik hoquq teshkilati Uyghur mesilisige köngül bölmekte (1)

Bash shtabi bélgiyining brussél shehirige jaylashqan chégrisiz kishilik hoquq teshkilati bir hökümetsiz teshkilat bolup, mezkur teshkilatning merkiziy nishani kishilik hoquqni dunya xaraktérlik ilgiri sürüshtur.

Uyghurlargha olimpik bésimi (2)

Türkiyide chiqidighan nopuzluq gézitlerning biri bolghan höriyet gézitinng londonda turushluq muxbiri faruk zabchi ependi olimpikning aldida Uyghur diyarigha mexpi halda bérip xewer yazghan muxbirlarning biri bolup, uning "Uyghurlargha olimpik bésimi" namliq chatma maqaliliri höriyet gézitide resimler bilen bille élan qilindi.

Qirghizistanning hakimiyet béshidiki partiye yighin chaqirdi

Yéqinda qirghizistandiki hakimiyet sürüwatqan partiyining qurultiyi bolup ötken. Mezkur partiyidin kélip chiqqanlar parlamént we hökümette muhim salmaqni igiligen bolup, bu ehwal bashqa öktichiler teripidin tenqid qilinmaqta. Ötken yili qirghizistan öktichiliri ene shu sewebtin keng kölemlik namayish uyushturghan idi.