Arxip
2008-08-12
Söz éghirdin chiqmasta adem uni bashqurghan bilen, éghizdin chiqip ketken söz ademni bashquridu. Jümlidin gheywet, shikayetmu éghiz yaki yéziq arqiliq taraydighan buzghunchiliq xaraktéridiki söz - chöchek, ighwa, pitne - pasat bolup, u insaniyet dunyasini bulghap, meniwiyetni zeherleydighan alwasti mahiyetlik késel - meniwi raktur.
2008-08-11
8 - Awghust küni xitayning enqerede turushluq elchixanisining aldida ötküzülgen namayishta özige ot qoyghan memet tursun ependining bedini éghir derijide köygen bolghachqa bügün'giche xudini yoqatqan halda enqerediki nemune doxturxanisining yataqxanisida dawaliniwatqan idi.
2008-08-11
Aqsu wilayetlik partkom bügün etigen axbarat yighini échip kuchada yüz bergen partlash weqesi heqqide qisqa melumat bergen. Axbarat yighinida partkom rehberliridin mutellip hashim söz qilip, weqeni térrorluq weqe dep eyibligen.
2008-08-11
Kuchada 10 - awghust weqesi yüz bergendin kéyin, dowéy agéntliqining bügün etigende xewer qilishiche, xitay azadliq armiyisining kuchada turushluq qisimliridin 10 mingdin artuq esker kucha shehirige kiridighan yollarning hemmisini qamal qiliwalghan.
2008-08-11
8 - Awghust küni rusiye qoshunliri gruziyining jenubiy assétiye rayonigha kirip, gruzin qoshunlirigha zerbe bergendin kéyin, gruziye armiyisi bilen rusiye armiyisi arisida qoralliq toqunush partlap, köp sanda ademning ölüshi we xaniweyran bolushi kélip chiqti.
2008-08-11
Xitay da'irlirining olimpik mezgilidimu, kanada puqrasi hüseyin jélilni we Uyghur siyasiy mehbuslarni yenila turmida tutup turuwatqanliqigha shundaqla Uyghurlarning kishilik hoquqlirini éghir halda depsende qiliwatqanliqigha naraziliq bildürüsh üchün, jüme küni kechte, kanadaning toronto shehridiki Uyghurlar, bu sheherdiki xitay konsulxanisining aldida namayish élip bardi we xitay konsulxanisidin hüseyin jélilni qoyuwétishni telep qildi.
2008-08-11
Xitayning béyjing olimpiki harpisida Uyghur diyarining weziyitide yüz bériwatqan jiddiy özgirishler heqqide Uyghur diyaridin almutigha chiqqan bir kishi radi'omizning qazaqistanda turushluq muxbirigha melumatlar bergen.
2008-08-11
Saqlash, sebir qilish we kütüshler dunya qanuniyiti we ret tertipidur. Mesilen: uruq yerge sélinip bolghuchila ünmeydu. Ünsimu haman hosul bermeydu. Belki ünüp, ösüp yétilip pishqiche kütüshke toghra kélidu. Törelmimu toluq insan bolishi üchün anining qorsiqida bir qanche ay turidu. Waqit dunyadiki her bir heriket we jimliqning kiyimi.
2008-08-10
Bügün yeni 10 - awghust küni, aqsuning kucha nahiye bazirida we qoralliq étishish weqesi yüz bergen. Weqede kucha nahiyilik saqchi idarisi, nahiyilik sot mehkimisi, nahiyilik pilanliq tughut idarisi we nahiyilik baj idarisi qatarliq hökümet orunliri arqa - arqidin hujumgha uchrighan.
2008-08-08
Bügün türkiyining enqere shehride xitaygha qarshi keng kölemlik namayish ötküzüldi. Aldi bilen chüshte jüme namizidin kéyin enqerening eng chong jameliridin biri bolghan qojatepe meschitining aldida Uyghur diyarida yéqinqi yillardin béri xitaylar teripidin öltürülgen Uyghur shéhitlerning namizi chüshürüldi.
2008-08-08
Bügün 8 - ayning 8 - küni d u q ning orunlashturushi, yawrupa sherqiy türkistan birliki we sherqiy türkistan informatsiyun merkizining hemkarliqida, gérmaniyining myunxén shehride olimpikke qarshi keng kölemlik namayish élip bérildi.
2008-08-08
Olimpik musabiqisi béyjingda bashlinishi bilen xitay da'irlirining kishilik hoquq depsendichiliklirige qarshi dunyaning her qaysi jayliridiki naraziliq pa'aliyetlirimu qaytidin bashlandi.
2008-08-08
Amérika prézidénti bush béyjingda xitaydiki kishilik hoquq mesilisini yene bir qétim tilgha aldi. U aldinqi küni taylandning paytexti bankokta xitaydiki kishilik mesilisige yéqindin köngül bolidighanliqini otturigha qoyghan idi.
2008-08-08
Teybéy shehiride tibetler, falun'gungchilar we ularni qollaydighan her sahe teywen xelqi 8 - ayning 7 - küni kechte erkinlik meydanigha toplinip, kommunist xitay hökümitining kishilik hoquqni depsende qiliwatqanliqini eyiblep ötküzgen namayishta, xitay kommunist partiysi tarixini tetqiq qiliwatqan mutexessis lin bawxu'a ependi Uyghurlarning ehwalini tunushturup söz qilghan.
2008-08-08
2008 - Yili 8 - ayning 6 - küni yéngi ira tor bétige "térrorchiliqni kim peyda qilghan bolsa, shu kishi térrorluq hujumning ichide qalidu" mawzuluq maqale yazghan tung ming ependi, maqalini mundaq bashlidi : bügünki künde yürek aldi bolup ketken, axirqi künlerning yétip kelgenlikini tonup yetken partiye, peqet yawuz kommunistik partiye bolsa kérek. Chünki bu partiye junggoda qabahetlik tebi'itini xelqi alem aldida pash qilip, dölet térrorchiliqini yolgha qoyushni axirqi chekke yetküzüp, " olimpik murasimini xatirjem ötküzüsh " deydighan gep buyiche, tengdashsiz düshmen'ge duch kelgendek, béyjing shehirini hetta pütün memliketni türmige aylandurghanda, azraq shepe kelsila bu partiye xuddi balayi - apet yitip kelgendek hés qilidighan partiye bolup qaldi.
