Arxip
2008-09-30
Bügün pütün dunyadiki bir yérim milyard musulman, "12 ayning sultani " dep atalghan muqeddes ramizan éyini ibadet we saxawet bilen tamamlap, rozi héytni tentene bilen kütüwaldi.
2008-09-30
2006 - Yili 10 - ayda shiwétsiyide qurulghan Uyghur qelemkeshler merkizi, ötken hepte xelqara qelemkeshler merkizining resmiy ezaliqigha qobul qilindi.
2008-09-30
Pakistan dölet mudapi'e tor bétide pakistan - amérika - xitay munasiwetliri heqqide bérilgen bir parche maqalide, térrorluqqa qarshi urushning xitay - pakistan dölet mudapi'e munasiwetlirige körsitidighan tesiri heqqide mulahize yürgüzülgen.
2008-09-30
Uyghur milli herikitining yétekchisi, dunya Uyghur qurultiyining re'isi rabiye qadir xanim Uyghur xelqning en'eniwiy rozi héyt bayrimini qizghin tebriklidi.
2008-09-29
Dunyani zilzilige salghan 4 - awghust qeshqer "semen yoli weqesi" béyjing olimpik musabiqisi bashlinishqa az qalghan künlerning bir etigenliki yüz bergen idi.
2008-09-29
Xitay hökümiti yéqinda ay sharini bayqash pilani boyiche qoyup bergen 'muqeddes 7' namliq alem kémisi yer sharigha saq qaytip kelgenlikige hayajanliniwatqan waqitta, hindistanning ay sharini bayqash üchün qoyup bergen rakitasi orbitigha kirdi.
2008-09-29
Merkizi agéntliqning 29 - siéntebirdiki xewirige asaslan'ghanda, d u q bayanatchisi dilshat réshit 9 - ayning 28 - küni xelq'ara axbarat wasitilirida bayanat élan qilip, xitay hökümitining dölet bayrimining bixeterlikige kapaletlik qilish bahanisida pütkül sherqiy türkistan teweside keng kölemlik tekshürüsh we tutqun qilishni dawamlashturiwatqanliqini tekitligen.
2008-09-29
Türkiye chet'ellerdiki Uyghurlar bir qeder köp olturaqlashqan döletlerdin biri bolup, qeyseri türkiyidiki Uyghurlar bir mehellige jem bolup olturaqlashqan sheherlerdin biri.
2008-09-29
Fitir sediqisi ramizan éyining sewebi bilen péqirlargha bérish belgilen'gen mexsus sediqe bolup, Uyghurlar musulman bolghan shu uzun yilliq tarixi jeryanida, roza héyt künliride péqirlarning, yétim - yésirlarning yüzlirini küldürüsh, héyt xoshalliqini ular bilen birge tentene qilish niyiti bilen ramizan éyining axirqi künliride bérishke adetlen'gen, körünüshte addi, emma ijabiy tesiri zor bolghan bir xil yardemlishish ibaditidur.
2008-09-26
Wal - strét pul mu'amile bazirida barghanche chongqurlishiwatqan krizisini qutuldurush üchün otturigha qoyulghan 700 milyard dollarliq qutquzush pilani üstide 25 - séntebir küni aq sarayda élip bérilghan munazire bezi konsérwatip jumhuriyetchilerning qarshi chiqishi bilen netijisiz ayaghlashqandin kéyin, jüme küni hökümet ezaliri mezkur mesilidiki talash - tartishni yene eslige keltürdi.
2008-09-26
Türkiyining nopuzluq gézitliridin hürriyet, milliyet we radikal gézitlirining 25 - séntebir künidiki sanida `mongghul arxé'ologlar bilge xaqanning heykilini tapqan` mawzuluq xewer élan qilindi.
2008-09-26
Türkiyidiki MPL téléwiziyiside her heptining düshenbe künliri kech sa'et 21:30 din 22:30 giche türkistanbul programmisi teqdim qilinip sün'i hemra arqiliq neq meydandin tarqitilip kelmekte.
2008-09-26
" Shinjang Uyghur aptonom rayonining re'isige bir parche xet " namliq maqale ötken ayda Uyghur tor betlirining biride élan qilindi. Maqalide aptonomiye qanuni we döletning milletler siyasitige hörmet qilinishi kérekliki we buninggha aptonom rayonning re'isi bolghuchi kishining bashlamchiliq bilen emel qilishi kérekliki tekitlen'gen.
2008-09-26
Qazaqistanda yashawatqan Uyghurlar hökümetning diniy siyasitidiki kengchilikliridin behriman bolup ramizan éyida erkin - azade roza tutup ibadet qiliwatqanliqini bildürmekte.
2008-09-25
Uyghur élidin igiligen uchurlargha asaslan'ghanda, yéqindin buyan xitay da'iriliri Uyghur élining barliq jayliri, barliq saheliri buyiche siyasiy öginishni kücheytip, nuqtiliq halda bölgünchilikke qarshi terbiye élip bériwatqan bolup, hetta emdila yéngi oqush mewsümini bashlighan bashlan'ghuch we ottura mektep oqughuchilirimu bu xil idé'ologiye sahesidiki öginishlerge orunlashturulmaqta iken.