Arxip
2009-06-23
Ötken yili xitayda süt parashuki weqesi yüz bergendin kéyin, yimek-ichmek mehsulatlirining süpiti mesislisi xitayda sezgür bir mesilige aylandi. Chünki süt parashuki weqesi xitaygha zor tijariy ziyan keltürüpla qalmay xitayning ijtima'iy qatlam we siyasiy tüzülmisidiki bir qatar ajizliqlarni ashkarilap qoyghan idi.
2009-06-23
Xitay hökümiti 1997 - yili partlighan ghulja féwral weqesidin kéyin, ghuljidiki eslidiki yerlik karxanilarni türlük bahane sewebler bilen taqashqa bashlighan, netijide Uyghur ilidiki asasliq yerlik sana'et mehsulatliridin tére yung toqumichiliq buyumlirini ishlepchiqiridighan milliy sana'et böshükliridin biri bolghan ghuljining yerlik milliy sana'iti pütünley weyran bolushqa yüzlen'gen.
2009-06-23
6 - Ayning 20 - 21 - künliri rusiyining paytexti moskwada 10 - nöwetlik xelq'araliq qur'an oqush musabiqisi ötküzülgen. Bu musabiqige se'udi erebistan, ereb birleshme xelipiliki, aljiriye, ottura asiya türkiy jumhuriyetliri, xitay we türkiye qatarliq ottuzdin artuq dölettin kelgen qarilar qatnashqan bolup, Uyghurlargha wakaliten hazir finlandiyide yashawatqan obul qasim qari qatnashqan.
2009-06-23
Gérmaniye parlaméntining kishilik hoquq komitéti we erziyet komitéti xadimliri bu yil 4 - ayning 17 - künidin 20 - künigiche sherqiy türkistan hem tibette ziyarette bolup, xitayning Uyghurlar we tibetliklerge qarita yürgüzüwatqan kishilik hoquq depsendichilikige a'it mesililer boyiche tekshürüsh élip barghan idi.
2009-06-22
Hazir Uyghur élide hökümet kadirlirining, oqutquchi - oqughuchilarning jüme namizigha kirishi cheklen'gen bolup, xitay hökümiti idare, organlarda bu toghriliq mexsus höjjet tarqitish bilen bille, her qaysi nahiye, yézilardiki meschitlerde her jüme küni jüme namizigha kirgen kadirlarni hem 18 yashtin töwen mektep oqughuchilirini, shu yéziliq saqchixana, yéziliq hökümet hetta oqutquchilar teshkillinip tizimgha élishqa hem ashu tizimlik boyiche ulargha öz xizmet orunlirida chare körüshke bashlighan.
2009-06-22
Melum bolushiche, shiwitsiyide tutup turuluwatqan jasus gumandari babur mexsut 1948 - yili lenjuda tughulghan, tyenjinde chong bolghan. 1969 - Yillar etrapida a'ilisi bilen birlikte xoten'ge köchüp kelgen.
2009-06-22
Uyghur ilining chet yéza - qishlaqlirighiche üzlüksiz keng tarqiliwatqan wehimilik waba - eydiz, nöwette, yalghuz Uyghur millitinila endishilendürüwatqan mesililerdin biri bolmastin, belki dunya jama'etchiliki hemde sehiye sahesini sarasimge séliwatqan mesile hésablinidu.
2009-06-22
D u q mu'awin bashliqi séyit tümtürk ependi bashchiliqidiki hey'et 6 - ayning 18 - 17 - künliri qeyseridin alahide enqerege kélip türkiye parlamént ezaliridin axmet öksüzqaya , memet ekinji we dölet ministiri faruq öz'aq qatarliq kishiler bilen körüshüp dunya Uyghur qurultiyining 5 - ayning 18 - künidin 26 - künigiche amérikining paytexti washin'gitonda ötküzgen pa'aliyetliri heqqide melumat berdi.
2009-06-22
Teywen muxbiri su yungyawning bügün teybéydin yollighan xewiride bayan qilinishiche, teywende qaytidin qurulghan 'kommunist partiyige qarshi turup weten qutquzush teywen polki' namliq bir teshkilat, 6 - ayning 27 - küni,chong yighin échip, özining qurulghanliqini xitay kommunist partiyisining qurulghan küni (birinchi iyol) din burun jakarlaydiken.
2009-06-22
Héchkim öz öyini tashlap bashqa yurtlarda musapir bolushni xalimaydu, emma bezi weqeler, naheqchilik, basturush, zulum - ishkenje we hayatining xewp astida qélishi insanlarni toghulghan ana yurtini tashlap bashqa yurtlargha yaki bashqa döletlerge köchüp kétishke mejbur qilidu.
2009-06-19
Shwétisiye dölet bixeterlik tarmaqliri teripidin qolgha élin'ghan jasus gumandari babur mexsut heqqide bügünki melumatlirimiz babur mexsutning shwétsiyige qandaq kelgenliki we shwétsiyidiki iqtisadiy hayati we dunya Uyghur qurultiyining yighinigha qatnishish dawamida, Uyghur milliy herikitining rehbiri rabiye qadir xanimgha 100 ming yawro yardem qilish teklipi sun'ghanliqi we bu teklipning rabiye qadir xanim teripidin ret qilin'ghanliqi qatarliq mezmunlarda bolidu.
2009-06-19
Seyshenbe küni amérika awam palatasi tashqi ishlar komitétining qarmiqidiki bir tarmaq komitit yighin chaqirip, amérikining 2002 - yili qarar maqullap sherqiy türkistan islam herikitini xitayning bergen melumatigha asaslinip turupla térror teshkilati tizimlikige kirgüzgenlikini eyiblep buning tüzitilishi kéreklikini otturigha qoyghan idi.
2009-06-19
Bérmudida chiqidighan "royal géziti" bérmudigha 4 neper Uyghur yürüshleshtürülgenliki seweblik bezi sayahetchilerning bu yerge sayahetke kélishni bayqut qilidighanliqidin ibaret qarshi pikrini we bu heqtiki xetlerni élan qildi.
2009-06-19
Hinidstan bu yil 3 - ayda asiya tereqqiyat bankisining meblegh igiliri komitétigha ikki milyard 900 milyon amérika dolliri qerz bérish heqqide iltimas sun'ghan idi. Asiya tereqqiyat bankisi 6 - ayning 15 - küni hindistanning bu iltimasini testiqlap qarar maqullidi.
2009-06-19
Amérikida yashawatqan Uyghur alimi erkin sidiq ependi 6 - ayning 13 - küni " xelq'ara optika ilmiy tetqiqat yighini"da doklat bérish üchün gérmaniyining myunxén shehirige yétip kelgen bolup, 6 - ayning 14 - küni miyunxéndiki bir bölük Uyghur jama'itige öz netijiliridin melumat bérip ötken we Uyghur jama'itining alem ilmige hemde Uyghurlarning milliy teqdirini hel qilishqa da'ir türlük so'allirigha jawab bergen.
