Arxip
2009-08-19
Musulmanlar eger emel qilsa, ular eng ésil pezilet we eng güzel exlaqlargha ige kishilerdur. Xeyr - saxawet, bir - birini yölesh, yardem qilish we öz - ara hemkarliq musulmanlarning étiqadigha we kündilik turmushigha singip ketken yaxshi adet. Xususen Uyghurlar bu güzel exlaq we yaxshi adetlerning guwahchisi bolup, Uyghurlardiki xeyr - saxawet rohi heqiqeten kishini qayil qilidu.
2009-08-18
Afghanistan prézidént saylimigha bir kün qalghan peytte, talibanlarning afghanistandiki her xil hujumliri küchiyshke bashlighan bolup, 18 - awghust küni paytext kabul bilen jalal'abad shehirining otturisida özini öltürüsh xaraktérlik hujumda az dégende 7 kishi hayatidin ayrilghan, 50 tin artuq kishi yarilan'ghan.
2009-08-18
Nöwette chet'ellerdiki xitay tor betliride, "5 - iyul ürümchi weqesi" ning partlash sewebi heqqide mulahize maqaliliri hem ziyaret xatiriliri élan qilinmaqta.
2009-08-18
2009 - Yili 8 - ayning 5 - küni yaponiyining madoka neshiryati terpidin neshir qilin'ghan "baturlarning köz yéshi - oyghan Uyghur" namliq roman Uyghur helqining ataghliq sha'iri, yazghuchisi abduréyim ötkür ependining 1985 - yili neshir qilin'ghan "iz" namliq tarixiy romani bilen "oyghan'ghan zimin" namliq romanlirigha asasen terjime qilin'ghan.
2009-08-18
Qazaqistandiki Uyghur sha'iri, edibiyatshunas proféssor patigul sabitowa düshenbe küni almatada wapat boldi. Patigul sabitowa ghuljida tughulup, sabiq shinjang inistitutida oqughan. Lékin, u, özining ijadiyet we ilmiy pa'aliyetlirini sabiq sowét ittipaqi we qazaqistanda élip barghan ottura asiyadiki yirik Uyghur alimlirining biri idi.
2009-08-18
Xitayning 5 - iyul qanliq qirghinchiliqigha qarita gherip döletlirining yéterlik inkaslarda bolmighanliqi, Uyghur xelqini ümidsizlendürgen mesililerning biri. Bolupmu, amérika we yawrupa ittipaqigha eza döletlerning Uyghurlarning bu qétimqi éghir yoqutushlirigha nispeten tégishlik hésdashliq bildürmigenliki, bir qisim Uyghurlarda radikal charilerge muraji'et qilish dolquni qozghimaqta.
2009-08-18
Yéqinda xitaylarning kanadada chiqidighan eng nopuzluq gézitlirining biri bolghan büyük jungxu'a gézitide,bu gézitning obzurchisi shaw yü teripidin " Uyghurlarning awazighimu qulaq sélip baqayli" mawzuluq bir parche obzurchi maqalisi élan qilin'ghandin kéyin, bu maqale kanadada yashawatqan xitaylar arisida zor ghulghula qozghighan.
2009-08-18
Rabiye qadir xanimning awstraliye ziyariti we "muhebbetning 10 sherti" peyda qilghan awstraliye - xitay munasiwetliridiki jiddiylikni, xitay da'irilirining yene bir baldaq yuqiri kötürgenliki ashkarilanmaqta.
2009-08-18
Ürümchi weqesi meydan'gha kelgendin kéyin dunya islam konfransi teshkilati weqege intayin köngül bölgen idi. Weqedin kéyin islam konfransi teshkilatining bashliqi proféssor doktor ekmeleddin ihsan'oghli Uyghurlarning mesilisi we bu qétimliq ürümchi weqesining kélip chiqish sewebliri heqqide téximu tepsiliy melumat élish üchün enqere uniwérsitétining oqutquchisi doktor erkin emet ependini alahide jiddige teklip qilip özi biwaste qobul qilip melumat alghan idi.
2009-08-17
Dungling qoghushun zawuti 2003 - yili shenshi ölkisining féngshyang nahiyiside qurulmaqchi bolghan. Shu chaghdila qoghushun tawlash ishi téxnika jehettin ölchemlik bolmisa, muhitni bulghaydighanliqi we ahaliler arisida éghir késellikke seweb bolidighanliqi muzakire timisi bolghan.
2009-08-17
Afghanistanda peyshenbe küni prézidéntlik saylimi élip bérilidighan bolup, saylam aldida namzatlar özlirining saylam teshwiqatlirini intayin yaxshi élip barghan. Bügün saylam teshwiqat pa'aliyetlirining axirqi küni bolup, saylamning asasliq namzatliri kabolda tertiplen'gen on ming kishilik yighilishlarda özining qollighuchilirigha söz qilghan we dölet téliwiziyiside ochuq - ashkara halda munazire élip barghan.
2009-08-17
5 - Iyul ürümchi weqesi yüz bergendin kéyin türkiyidiki ammiwi teshkilatlar, uniwérsitétlar we tetqiqat merkezliri ürümchi weqesining seweblirini hem Uyghur mesilisini téximu yaxshi chüshinish we türk jama'etchilikige anglitish üchün her xil yighinlarni chaqirmaqta.
2009-08-17
5 - Iyul ürümchi weqesi yüz bergendin kéyin qazaqistandiki Uyghur jama'iti, tülük yighilish pa'aliyetlirini teshkillep, xitay hökümitining Uyghurlar üstidin élip barghan basturush heriketlirige naraziliq bildürüsh bilen birge weqede qurban bolghan Uyghur qérindashlirigha atap qur'an - tilawetler ötküzmekte.
2009-08-17
2009 - Yili 8 - ayning 16 - küni istanbulning wefa toluq ottura mektep yighin zalida 'ürümchi qirghinchiliqi we sherqiy türkistan mesilisi heqqide pikir - mulahiziler' namliq yighin échildi.
2009-08-17
Xitay ölkiliridin radi'omizning Uyghur bölümige téléfon qilghan bir Uyghur, ürümchi shehiridiki Uyghurlar nisbeten zich olturaqlashqan yamaliq téghi, beyge meydani, dawan yézisi etrapidiki öylerning tekshürülüp, qanunsiz öyler qatarida bir terep qilinip chéqiliwatqanliqini inkas qildi.
