Arxip
2010-01-21
Ötken hepte yaqqan qélin qar, Uyghur élining shimali qismida 60 yildin buyanqi eng zor qar apiti bolup, bu qétimliq shiwirghanliq qar apitidin kéyin, bu rayon soghuq hawa éqimining hujumigha uchrap, charwichiliq we déhqanchiliq éghir ziyan'gha uchrighan.
2010-01-21
Ötken ayda, taylantta toxtap iran'gha uchidighan il -76 belgilik bir yük ayropilanda shimali koriyining 35 tonna partlatquch we rakitaliri qachilan'ghanliqi üchün, bu ayropilan bankokta tutup qélin'ghan idi. Bu qanunsiz qoral sodisi, eyni waqitta uchur wastilirining déqqitini qozghighan idi.
2010-01-21
Türkiyidiki intérnét gézitliridin biri bolghan www.gazeteturka.com Da "doghu türkistana konwoy yoqmu?" yeni, "sherqiy türkistan'gha yardem etriti yoqmu?" mawzuluq obzor élan qilindi.
2010-01-21
Qirghizistanning paytexti béshkek etrapidiki pakirupka yézisi Uyghurlar kop olturaqlashqan makanlarning biri. Melum bolushiche, bu yézida namratlargha yar - yölek bolup hemde jama'et ishlirigha aktip qatniship, Uyghur jama'itining hörmitige sazawer bolghan dawut hajim seleyni mezkur yéza teweside tonumaydighan adem yoq iken.
2010-01-21
Merkizi amérikining nyuyork shehiridiki xelq'ara kishilik hoquq organi - kishilik hoquqni közitish teshkilati doklat élan qilip, xitayda 2009 - yili kishilik hoquqning üzlüksiz depsendige uchrighanliqini, kishilik hoquqni yaqlaydighan ammiwi guruhlar we shexsler üzlüksiz ziyankeshlikke uchrap, Uyghur we tibetlerge qaritilghan kontrolluqning kéngeytilgenlikini bildürdi.
2010-01-20
Ötken hepte ürümchide échilghan Uyghur aptonom rayonluq 11 - nöwetlik xelq qurultiyi 3 - omumyighinida xitay teripidin teyinlen'gen Uyghur aptonom rayonining re'isi nur bekri qatarliqlarning, 2009 - yilliq xizmet doklatida, muqimliq hem qattiq basturushni qayta tekitlishi chet'ellerdiki Uyghur teshkilatliri, hem her sahe démokratliri teripidin tenqidke uchrighan.
2010-01-20
Xitay hökümiti 2010 - yilining béshida dunya boyiche qattiq ghulghula qozghighan ilmiy fantaziyilik filim awatarning adettiki kinoxanilarda qoyulidighan nusxisini körsitishni toxtatqan.
2010-01-20
Ikki ayning aldida, siyasiy panahliq üchün gollandiyige kelgen bir Uyghur qizi xitaygha qayturulush xewpige duch kelgen. U Uyghur qiz öz ehwalini melum qilghanda toghra melumat bérelmigini üchün gollandiye köchmenler idarisi qizni xitaygha qayturushni qarar qilghan. U, 12 - noyabir küni sa'et birde xongkonggha qayturulmaqchi bolghan.
2010-01-20
Washin'gton pochtisi géziti qatarliq metbu'atlarda, amérika tashqi ishlar ministiri hilariy kélinton xanimning, tereqqiyatning amérika tashqi siyasitidiki roli toghrisidiki nutqi élan qilin'ghan bolup, klinton xanim "ayallar hemde balilargha yardem bérish muhim yéngi istratégiye, chünki ular jem'iyet, iqtisad shuningdek siyasetni ilgiri sürüshte halqiliq küch " dep otturigha qoyghan.
2010-01-20
Dunya Uyghur qurultiyining mu'awin re'isi séyit tümtürk 2010 - yili 1 - ayning 16 - künidin 18 - künigiche istanbulni ziyaret qilip, bir yürüsh xizmet pa'aliyetliri élip bardi.
2010-01-20
Yéqinda almutadiki quddus ghojamyaruf namidiki Uyghur tiyatirida ataqliq edib, merhum tursun qahariyning "öchmes yultuzlar" namliq esirining neshr qilin'ghanliqi munasiwiti bilen pa'aliyet ötküzülgen.
2010-01-19
Gerche "5 - iyul ürümchi weqesi" yüz berginige yérim yil bolghan bolsimu, emma xitay hökümiti "5 - iyul weqesi"ge munasiwetlik dep qarighan Uyghurlargha qaratqan keng kölemlik tutqun qilish we basturush herikitini toxtatmighan bolup, xitayning bu xil keng kölemlik tutqun qilish, basturush herikiti chet'ellerdiki Uyghur teshkilatlirining we démokratiye hem kishilik hoquqni teshebbus qilghuchi dunya jama'etchilikining qattiq eyiblishige uchrimaqta.
2010-01-19
Uyghur milliy herikitining yétekchisi rabiye qadir xanim we amérika Uyghur birleshmisining yétekchilikide, Uyghur ayalliri komitéti yéqinda amérikining wirjiniye shitatida resmiy qurulup, pa'aliyetlirini élip bérishqa bashlidi.
2010-01-19
Haytida 12 - yanwar küni 7.3 Bal yer tewrigen idi, bügün 7 - küni texminlinishiche, haytida yüz bergen bu qétimqi yer tewreshte hayatidin ayrilghan adem sani 200 minggha yétishi mumkin. Hazir haytigha yardem bérishke qatnashqan döletlerning sani hazir 30 din ashti. B d t bixeterlik kéngishi bügün bash katib ban kimunning teklipige asasen, haytidiki tinchliq saqlash qisimlirining sanini 3500 ge yetküzüshni qarar qildi.
2010-01-19
12 - Yanwar küni intérnéttiki eng chong izdesh matori bolghan gogul intérnét shirkiti xitaydin chékinip chiqidighanliqini élan qilghan idi. Ular bundaq bir qarar élish sewebining xitayning intérnétke qoyuwatqan cheklimiliri we gogul élxet adréslirining xitay xakkérlirining hujumigha uchrap, kishilerning mexpiyetlikige qanunsiz halda hujum élip bérilishi dep körsetti.
